Қанат Шарлапаев Nazarbayev University Battery Group зерттеу тобымен кездесу өткізді

ҚР Өнеркәсіп және құрылыс министрі Қанат Шарлапаев Nazarbayev University Battery Group зерттеу тобымен кездесу өткізді.

Зерттеу тобы соңғы үлгідегі қолданбалар мен технологиялардың қажеттіліктерін қанағаттандыратын инновациялық жоғары өнімді батареялар мен олардың материалдарын әзірлейді. Бұл топ коммерцияландыру мақсатында жоғары әлеуеті бар наноқұрылымды материалдарды әзірлеу үшін оңтүстік кореялық зерттеушілермен ынтымақтасады.

Батарея технологиялары мен материалдарының дамуы электроника, электр көліктері, жаңартылатын энергия көздері, қауіпсіздік, қорғаныс және медицинаны қамтитынын атап өткен жөн. Нәтижесінде инновациялық шешімдер Қазақстан экономикасына оң әсерін тигізеді.

Министр нанофабрикациялау, электронды микроскопия, энергия сақтау жүйелері зертханаларына барды.

Қатысушылар Аккумуляторлар институтының жобаларын талқылады, сонымен қатар отандық шикізаттан энергия сақтау жүйелеріне арналған орташа және жоғары құнды материалдарды тәжірибелік өндіру жобасы таныстырылды.

Қанат Шарлапаев Nazarbayev University-дің Тау-кен ісі және геоғылымдар мектебінде болды. Мектеп тау-кен инженериясы, геология және мұнай-газ салалары бойынша болашақ мамандарды дайындайды.

Министр инфрақұрылыммен, бұрғылау процестерін имитациялайтын, керн талдауы, шахталарды желдету, ұңғылау, сынамаларды дайындау және геотехникалық зертханаларға барды, сондай-ақ ағымдағы оқу бағдарламаларымен танысты.

• 27.02.2025
• 23