ШЫҒЫС ҚАЗАҚСТАН ОБЛЫСЫНЫҢ 2020 ЖЫЛҒА АРНАЛҒАН ӘЛЕУМЕТТІК-ЭКОНОМИКАЛЫҚ ДАМУЫ ТУРАЛЫ

Өскеменде Шығыс қазақстан облысы әкімінің аймақ тұрғындары алдында жыл сайынғы есеп беру кездесуі өтті. Облыс әкімінің есебі өңір басшысының ресми аккаунттары арқылы әлеуметтік желілерде, сондай-ақ "Алтай" және "Семей" телеарналарында тікелей эфирде көрсетілді.

2020 жылғы жұмыс қорытындылары Шығыс Қазақстан облысының негізгі стратегиялық мақсаттарды табысты іске асыруды жалғастырғанын көрсетті. Облыс әкімі Даниал Ахметов коронавирус пандемиясына қарамастан, өткен жылдың барлық негізгі әлеуметтік-экономикалық көрсеткіштері оң динамикаға ие екенін атап өтті. Инвестициялар көлемі 112% - ға, құрылыс жұмыстары - 127% - ға, өнеркәсіптік өндіріс-101,5% - ға, ауыл шаруашылығы-102,6% - ға өсті. 118% өсіммен 520 мың шаршы метрден астам тұрғын үй пайдалануға берілді. Жұмыссыздық 4,9% – дан аспады (ҚР бойынша-5%).

- COVID-19 халық денсаулығын сақтау, сырқаттанушылықтың күрт өсуіне жол бермеу, инфекцияның таралуын бәсеңдету бағытындағы міндетті бірінші орынға қойды. Қазіргі уақытта эпидемиологиялық жағдайды тұрақты деп сипаттауға болады, - деді ШҚО әкімі есеп беру кездесуін ашып. - Өткен жылы облыстың медициналық мекемелерінің материалдық-техникалық базасын нығайту үшін қосымша 174 ӨЖЖ аппараты, оның ішінде 2 балалар (CPAP), 10 рентген-аппараты, 3 ЭКМО, 3 компьютерлік томограф, заманауи техникамен жабдықталған 216 жедел жәрдем автомобилі сатып алынды. Жалпы, өңірдің денсаулық сақтау саласын дамытуға өткен жылы 37,3 млрд.теңге салынды. Сонымен қатар, науқасты емдейтін жабдықтар мен төсек орындар емес екенін бәріміз жақсы түсінеміз. Бұл ақ халатты абзал жандардың еңбегі. Біз облыстың медицина қоғамдастығына, өздерінің кәсіби міндеттерін адал орындайтын, пандемиямен күрестің алдыңғы қатарында тұрған барлық мамандарға ризашылығымызды білдіреміз.

ӨҢІРДЕ КОРОНАВИРУС ИНФЕКЦИЯСЫМЕН КҮРЕСКЕ ҚАРАМАСТАН, ОБЛЫСТЫҢ ДЕНСАУЛЫҚ САҚТАУ САЛАСЫН ЖАҢҒЫРТУ ЖҰМЫСТАРЫ ЖАЛҒАСУДА.

Әйелдерге, жаңа туған нәрестелерге медициналық көмектің сапасын арттыру және қолжетімділікті қамтамасыз ету мақсатында босандыру қызметтерін 3 ауылдық медициналық ұйым үшін І деңгейге, 9 аудандық және 2 ауданаралық аурухана үшін І деңгейден ІІ деңгейге ауыстыру жоспарланған, бұл неғұрлым босану процесі күрделі деп күтілетін әйелдерді және 1500 грамм салмақтағы балаларды жергілікті жерде күтуге мүмкіндік береді. Сондай-ақ, ІІІ деңгейдегі перзентханалардың жабдықтары жаңартылпды, бұл балаларды 500 грамнан бастап күтуге мүмкіндік береді. Барлығы 4,1 млрд.теңгеге медициналық жабдықтар сатып алынады, оның ішінде 3,3 млрд. теңге ана мен бала саласын дамытуға бағытталған.

Сонымен қатар, облыс орталығында балалар мен ересектерге арналған мамандандырылған гематология орталығының құрылысы жалғасады. Осылайша, гематология, ядролық медицина, роботтандырылған хирургия орталықтарын бірыңғай жүйеге біріктіре отырып, медициналық туризмді дамытуға негіз болатын қуатты медициналық кластер құрылатын болады.

Ағымдағы жылы, аймақ басшысы орынбасары Бұктұгұтов Шәкәрімге, Денсаулық сақтау басқармасына мамандарды оқытудың алдағы үш жылға арналған үш деңгейлі бағдарламасын түзетуді, сондай - ақ Семей қ. жедел медициналық жәрдем ауруханасын халықаралық JCI стандартына сәйкес аттестаттауға кірісу міндетін қойды. Ядролық медицина орталығының базасында ағымдағы жылдың екінші жартысынан бастап радиойодтерапия жүргізе отырып, Радионуклидтік терапия бөлімшесін ашу тарсырылды.

ОБЛЫС ҮШІН БАСТЫ БАСЫМДЫҚ БІЛІМ БЕРУ САЛАСЫ БОЛЫП ТАБЫЛАДЫ.

Өткен оқу жылында өңір мектептері үшін қосымша 34 мың бірлік компьютер сатып алынды, нәтижесінде компьютерлік техникамен қамтамасыз ету 1 компьютерге 4 оқушыны құрады. Айта кету керек, ел бойынша орташа көрсеткіш 11 оқушыны құрайды.

Абай ауданының Қарауыл, Тарбағатай ауданының Ақжар, Өскемен қаласының Ахмер ауылында 3 жаңа мектеп ашылды. 2100 орындық 3 мектептің құрылысы жалғасуда: Риддер қаласында (600 орындық), Семей қаласының Восточный және Степной кенттерінде (1200 орындық және 300 орындық). Сонымен қатар, өткен жылы алғаш рет жаңа оқу жылына қарай 394 білім беру нысаны жөнделгенін атап өту қажет.

- Биыл көптілді білім беруді енгізу бағдарламасының жаңа кезеңі басталды және ол үшін 1 млрд.теңге қарастырылған. Бірінші кезең бойынша 3,7 мың мұғалім тілдерді оқыту әдістемесін меңгеру деңгейін 14% - дан 89% - ға дейін көтерді, бұл оқушылардың білім сапасының орташа көрсеткішін 20% - дан 53% - ға дейін арттырды. Ағымдағы жылы тағы 1,3 мың тіл мамандары біліктілікті арттырудан өтеді. Сондай - ақ, облыстың барлық мектептерінің IT сыныптарында алгоритмдік ойлау мен заманауи компьютерлік жүйелер дамыту үшін әртүрлі бағдарламалау тілдерінде цифрлық өнімдерді жасаудың тереңдетілген бағдарламасын енгізу жалғастырылады, - деп атап өтті облыс әкімі Даниал Ахметов.

Соңғы 2 жылда 2 мыңнан астам педагог бағдарламалау (Python, Flask), робототехника (Arduino, IoT) және 3D модельдеу (Blender) бойынша даярлықтан өтті. Ағымдағы жылы облыс мектептері дидактикалық электронды материалдармен, Робот-конструкторлармен, дрондармен жарақтандырылатын болады. Жаңа жабдықтармен жұмыс істеу үшін 600 информатика және физика мұғалімдерін курстық даярлау қарастырылған.

Өңір басшысының тапсырмасы бойынша бір ай мерзімде жастарды қолдау бағдарламасы әзірленеді. Сондай-ақ, "Жас Маман"кәсіптік-техникалық білім беру жүйесін дамыту бойынша жұмыстар жалғасуда. Бұл бағытта 5 базалық колледж жанынан құзыреттілік орталықтары құрылып, жұмыс істеуде. Ағымдағы жылы тағы да осындай 5 орталық ашылады. Даниал Ахметовтің айтуынша, "Білікті маман" жобасы да сәтті жүзеге асырылуда, мұны 5 жыл ішінде түлектердің шетелдік жоғары оқу орындарына кету деңгейі 4,5 есе қысқаруы дәлелдейді.

            Өткен жылы өңірде спорттық инфрақұрылымның 6 нысаны салынды, оның ішінде 4 ДСК және 2 бассейн. Ағымдағы жылы 13 дене шынықтыру-сауықтыру кешені және 2 спорт модулі бой көтереді. 2020-2021 жылдары барлығы 21 спорт нысаны іске қосылады, оның ішінде бұрынғы 9 аудан орталығында балалар спорт мектептері ашылады.

КӨПБАЛАЛЫ ЖӘНЕ АЗ ҚАМТЫЛҒАН ОТБАСЫЛАРЫ ЕРЕКШЕ НАЗАРДА.

ШҚО-да көпбалалы отбасылар үшін оқушыларды формамен, аяқ киіммен және тамақпен қамтамасыз ету қарастырылған. Балалардың ата-аналары балбақшаларға ақы төлеуден босатылған. ТжКБ студенттері тегін тамақпен және жатақханамен қамтамасыз етіледі.

Айта кету керек, 2017 жылы тұрғын үй алу кезегінде тіркелген көпбалалы отбасылардың саны бес есеге өсті. Төрт жыл ішінде ауылдық жерлерде тұратын 1625 көпбалалы отбасы баспаналы болды. Өткен жылы 1049 отбасы, оның ішінде ауылдағы 336 отбасы қоныс тойын тойлады. Биыл облыс аудандарында жеке инвесторларды тарта отырып, жалпы ауданы 36 мың шаршы метр болатын 191 екіпәтерлі тұрғын үй салу жоспарлануда.

2020 ЖЫЛЫ ТҰРҒЫН ҮЙ ҚҰРЫЛЫСЫНА ТАРТЫЛҒАН ИНВЕСТИЦИЯЛАР КӨЛЕМІ 1,5 ЕСЕ ӨСТІ (82,5 МЛРД. ТЕҢГЕ).

118% өсіммен 520 мың шаршы метр тұрғын үй пайдалануға берілді. Ағымдағы жылы 560 мың шаршы метр тұрғын үйді пайдалануға беру жоспарланып отыр. Тұрғын үй құрылысына тартылатын инвестициялар көлемі 108% өсіммен 90 млрд теңге деңгейінде болжануда.

"Бірқабатты Шығыс" бағдарламасын жүзеге асыру басталды, оның аясында құрылыс орындары анықталды. Жоба мемлекеттің инженерлік коммуникациялар жүргізуі есебінен жеке тұрғын үйлер құрылысын ынталандыруға арналған.

ЖҰМЫСПЕН ҚАМТУ ЖОЛ КАРТАСЫ АЯСЫНДА 77,4 МЛРД. ТЕҢГЕГЕ 819 ИНФРАҚҰРЫЛЫМДЫҚ ЖОБА ІСКЕ АСЫРЫЛДЫ.

Жалпы саны 22 мың жұмыс орны құрылды. Әлеуметтік нысандарды жөндеуге 2019 жылға қарағанда 3,6 есе көп қаражат жұмсалды. Ағымдағы жылы бұл бағыттағы жұмыстар жалғасады. 14 әлеуметтік сала, 33 тұрғын үй-коммуналдық шаруашылық және инженерлік-көліктік инфрақұрылым нысандары салынады.

БҰРЫНҒЫ АУДАН ОРТАЛЫҚТАРЫН ДАМЫТУ МӘСЕЛЕСІНЕ ЕРЕКШЕ НАЗАР АУДАРЫЛАДЫ.

Бұл әлеуметтік инфрақұрылымы сақталған 13 елді мекенге қатысты. Бұл ауыл тұрғындары орта және мектепке дейінгі білім беру, денсаулық сақтау, мәдениет және спорт қызметтерімен қамтамасыз етілген. Алайда, оларды қаржыландыру қазіргі аудан орталықтарына қарағанда едәуір аз екенін атап өткен жөн. Бұдан басқа, тұрғын үй-коммуналдық салада, сондай-ақ жол инфрақұрылымында проблемалар бар.

- Барлық бұрынғы аудан орталықтары көшелерінің 44% - ы ғана жақсы және қанағаттанарлық жағдайда. Қайнар, Бозанбай, Баршатас ауылдарындағы, Серебрянск қаласындағы жолдардың жағдайы нашар. Халықты сумен жабдықтаудың төмен деңгейі Мақаншы және Бозанбай ауылдарында байқалады. Сондай-ақ бұрынғы аудан орталықтарында рекреациялық және спорттық құрылыстар желісі нашар дамыған. Тұрғын үй құрылысын жандандыру қажет. Кезекте 722 адам тұр, олардың көпшілігі Серебрянск қаласында – 153, Мақаншы ауылында-109 және Самарда 94 адам. Біздің міндетіміз - жақын маңдағы ауылдардан халықты тарта отырып, бұрынғы аудан орталықтарын дамытуға баса назар аудару, нақты сектордың өсуі және жаңа жұмыс орындарын құру үшін жағдай жасау. Ол үшін аудан әкімдері мен Семей қаласының әкіміне Экономика басқармасымен бірлесіп, бұрынғы аудан орталықтарын алдағы үш жылға дамыту бағдарламасын жасауды тапсырамын, - деді Даниал Ахметов.

Облыс әкімі ШҚО аумағын векторлық дамытуда 5 шекаралас аудан бойынша тәжірибе бар екенін айтты. Халықтың өмір сүру сапасын жақсартуға бағытталған Кешенді жоспардың арқасында былтыр Күршім және Үржар ауылдарында 2 жүзу бассейні, Мақаншы ауылында спорт модулі салынды. 17 екіпәтерлі тұрғын үй пайдалануға беріліп, 3 көппәтерлі үйдің құрылысы басталды, 105 білім беру, 6 – денсаулық сақтау, 9 – спорт, 31 – мәдениет нысандары, 270 км-ден астам жолдар мен көшелер жөнделді.

Тарбағатай, Күршім және Үржар аудандарының ауылдарына сумен жабдықтау желілері тартылды, 18 елді мекенде блокты-модульді станциялар орнатылды. Шекара маңындағы аудандар ауруханаларының перзентхана бөлімшелерін 2 деңгейге ауыстыру үшін 989 млн.теңгеге медициналық жабдықтар сатып алынды.

Ағымдағы жылы 4 көппәтерлі тұрғын үй, 8 су құбыры, 4 дене шынықтыру-сауықтыру кешені, 2 спорттық модуль, 3 мәдениет нысанының құрылысы жоспарланған. 39 әлеуметтік сала нысандарын, 12 су құбырын және 230 км астам жолдар мен көшелерді жөндеу қарастырылған.

ХАЛЫҚТЫ ТАЗА АУЫЗ СУМЕН ҚАМТАМАСЫЗ ЕТУ - ӨМІР САПАСЫНЫҢ МАҢЫЗДЫ КӨРСЕТКІШІ.

Өткен жылы ШҚО-да 37 сумен жабдықтау нысаны пайдалануға берілді, 51 елді мекенде суды тазарту және таратудың модульдік станциялары орнатылды. Жыл қорытындысы бойынша облыстың ауылдық елді мекендерін орталықтандырылған сумен қамтамасыз ету 77,4% - ды құрады, ауыл халқының таза ауыз суға қолжетімділік деңгейі 81,4% - ға жетті.

Айта кетейік, өңірде 2015 жылдан бастап сумен жабдықтау нысандарына бағытталған қаржыландыру көлемі 9 есеге артты. Ағымдағы жылы тағы 37 нысанды іске қосу жоспарлануда. Бұдан басқа, халық аз қоныстанған 51 ауылда блокты-модульді станциялар орнатылады.

ЖАҚСЫ ЖӘНЕ ҚАНАҒАТТАНАРЛЫҚ ЖАҒДАЙДАҒЫ ЖОЛДАРДЫҢ ҮЛЕСІ 85% - ҒА ДЕЙІН ЖЕТКІЗІЛДІ.

ШҚО-ның көлік-жол инфрақұрылымына өткен жылы 88,8 млрд.теңге инвестицияланды.

- Ағымдағы жылы Өскемен қаласының, Үржар ауылының әуежайларын қайта жаңарту, сондай-ақ Күршім ауданындағы Бұқтырма су қоймасы арқылы көпір салу сияқты өңірдің көлік инфрақұрылымын дамыту үшін маңызды жобалар жалғастырылатын болады. Республикалық маңызы бар жолдарды қайта жаңартуға 70 млрд. теңге инвестицияланды. «Қалбатау-Майқапшағай» автожолының 200 км учаскесі мен «Алматы-Өскемен» тас жолында қозғалыс ашылады. Жолдар толығымен 2022 жылы іске қосылады. «Таскескен-Бақты» жолының 20 шақырымын қайта жаңарту аяқталуда, жоба түзетілгеннен кейін Осинов асуын айналып өтіп, «Өскемен-Алтай-Рахман қайнары» тас жолында жұмыстар жалғасады, - деп атап өтті ШҚО әкімі.

Бұдан басқа, облыстық және аудандық маңызы бар 138 шақырым жолда 3,3 млрд.теңгеге жұмыстар жүргізілетін болады. Биыл көлік-жол инфрақұрылымына барлығы 86,7 млрд.теңге инвестиция салынады.

2025 ЖЫЛҒА ДЕЙІНГІ КӘСІПКЕРЛІКТІ ҚОЛДАУ КАРТАСЫНА ИНВЕСТИЦИЯ КӨЛЕМІ 667,5 МЛРД. ТЕҢГЕНІ ҚҰРАЙТЫН 38 ЖОБА ЕНДІ.

- Өткен жылы 37,5 млрд.теңгеге 5 жоба іске қосылды. Оның ішінде АЭС үшін жылу бөлгіш құрамалар шығаратын зауыттың құрылысы маңызды болды. Құны 396,0 млрд. теңгені құрайтын, 700 жұмыс орнын ашатын «KAZ Minerals Aktogay» Ақтоғай КБК қайта өңдеу қуатын кеңейту жобасы жүзеге асуда. Жобаны пайдалануға беру ағымдағы жылға белгіленген. Жобаны іске қосу КБК қуаттылығын жылына 25 млн.тоннадан 50 млн. тоннаға дейін арттыруға мүмкіндік береді, - деді Даниал Ахметов.

Ағымдағы жылы Кәсіпкерлікті қолдау Картасы шеңберінде 3 мыңнан астам жұмыс орнын ашылып, 498 млрд.теңгеге 14 инвестициялық жоба жүзеге асырылады.

2020 ЖЫЛЫ ШАҒЫН ЖӘНЕ ОРТА БИЗНЕСТЕН БЮДЖЕТКЕ ТҮСКЕН ТӨЛЕМДЕР 119% - ҒА АРТТЫ.

Өңірде бизнесті қолдау бойынша белсенді жұмыстар жүргізілуде, «Ақ Ниет» бағдарламасы шеңберінде 7,2 млрд.теңгеге 154 жоба қаржыландырылды.

«Қарапайым заттар экономикасы» бағдарламасы бойынша 43 млрд.теңгеге 242 жоба қаржыландырылды. Даниал Ахметов атап өткендей, жаңа жобалар, әсіресе, тамақ өнімдері мен жеңіл өнеркәсіп, құрылыс және конструкциялық материалдар өндірісі, машина жасау салаларына бағытталған.

7 МЫҢ ІРІ ҚАРА БАСЫН БОРДАҚЫЛАЙТЫН ҮЛКЕН ҮШ АЛАҢ ПАЙДАЛАНУҒА БЕРІЛДІ

Сондай-ақ, 5 сүт қабылдау пункті ашылып, 7 сүт-тауар фермасы бой көтеріп, қайта жаңартылды.

- Сүт мал шаруашылығына салынған инвестициялар соңғы 5 жыл ішінде халықтан сүт сатып алуды ақшалай баламада 18 есе, яғни, 240,5 млн.теңгеден 4,5 млрд. теңгеге дейін, ал заттай көріністе – 8 есеге, 7,5 мың тоннадан 57,2 мың тоннаға дейін ұлғайтуға мүмкіндік берді. Өңдеуші кәсіпорындардың қуаттарын жүктеу 2015 жылдан бастап 29-дан 87% - ға дейін ұлғайды. Ауыл шаруашылығы өнімдері көлемінің өсуі тамақ өнеркәсібі мен қайта өңдеу кәсіпорындарын құруды және кеңейтуді ынталандырады. Бүгінгі таңда ШҚО елімізде өсірілетін күнбағыс көлемінің 66% - ын өсіреді. Майлы дақылдар егістігін 23% - дан 40% - ға дейін ұлғайтып, өсімдік майларының әртүрлі түрлерін өндірудегі межемізді өсіріп, жоғары көрсеткішке жету біздің қолымызда, - деп атап өтті Даниал Ахметов.

Айта кетейік, бүгінде өңірде өсімдік майларын өңдеу бойынша үш ірі жоба жүзеге асырылуда. Жаңа өндірістерді іске қосу өндіріс көлемін жылына 700 мың тоннаға дейін ұлғайтуға мүмкіндік береді.

Қорытындылай келе, ШҚО әкімі Даниал Ахметов Қазақстан Республикасы Тәуелсіздігінің 30 жылдығын мерекелеудің басты міндеті-белгіленген жоспарларды іске асыру, облыстың әлеуметтік – экономикалық дамуының оң қарқынын қамтамасыз ету, халықтың өмір сүру сапасын жақсартуға ықпал ету екенін атап өтті.

• 26.02.2021
• 411