Маңғыстау облыс әкімі кезекті рет тұрғындарды жеке мәселемен қабылдады

Бүгін, 27 ақпанда Маңғыстау облысының әкімі Нұрдәулет Қилыбай кезектілік тәртібімен жазылған азаматтарды жеке мәселелері бойынша қабылдау өткізді.
Қабылдауға келген тұрғындардың басым бөлігі тұрғын үй алу, жұмысқа орналасу, әлеуметтік қорғау, кәсіп ашу бойынша көмек сұрады.

Мәселен, мүгедектігі бар Ақтау қаласының тұрғыны Есенхос Садуахасов денсаулық сақтау саласына қатысты мәселе көтеріп, емделу үшін квота сұрады. Ал, Алмагүл Лепесбаева Түпқараған ауданында туризмді дамыту, су асты әлеміне саяхат жасау жобасын ұсынды.

Сонымен қатар, жеке қабылдауға “Сұлтан” ТҮК салымшылары келді. Олар тұрғынүй құрылыстарының тұралап қалғанын айтып, құрылыс процесіне қойылған негізгі талаптары орындалмағанына шағымданды.

Маңғыстау облысы әкімі қабылдауға келіп ұсыныс-пікірін, өтінішін жеткізушілердің   сауалдары назардан тыс қалмайтынын айтты. Мамандар әрбірінің себеп-салдарын жіті зерттеп, шешімін  заң талаптарын  негізге алып қарастырады. Қабылдауға келушілердің кейбірі өз сұрақтарына қатысты түсіндірме  жауапты сол жерде алды. Көтерген мәселесінің шешу жолдарын білді.

Маңғыстау облысы әкімінің баспасөз қызметі

• 03.03.2025
• 29