«Ақсақалдар тағылымы – адал қоғамның кепілі» тақырыбында ақсақалдар жиыны өтті

2025 жылғы 21 ақпанда Қарағанды қ. Достық үйінде Қазақстан халқы Ассамблеясының 30 жылдығына арналған «Ақсақалдар тағылымы – адал қоғамның кепілі» атты Ақсақалдар кеңесінің республикалық слеті өтті. Іс-шара қоғамдық келісім мен жалпыұлттық бірлікті нығайтуға, этностарды азаматтық бірегейлік қағидаттарында сүйенуге, ҚХА-ның «Адал азамат» жобасының іске асырылу барысын және ҚХА-ның 30 жылдығына арналған іс-шараларды талқылауға бағытталған. Шараның салтанатты бөлімінде ҚХА Төрағасының орынбасары - ҚХА Хатшылығының меңгерушісі М. Әзілханов, Қарағанды облысының әкімі Е. Бөлекпаев құттықтау сөз сөйледі. Сонымен қатар, олар «Адал азамат» жобасының қатысушыларына түрлі номинациялар бойынша марапаттарды табыстады. Жиынға Мәдениет және ақпарат министрлігінің, ғылыми зиялы қауым өкілдері, өңірлердің Ақсақалдар кеңесі төрағалары, ҚХА Аналар кеңесінің мүшелері, жастар және басқа да қоғам қайраткерлері қатысты. Күннің екінші жартысында ҚХА Ақсақалдар кеңесінің «Адал азамат – қоғам бірлігінің негізі» тақырыбында кеңейтілген отырысы өтті, онда әртүрлі қызмет салаларынан спикерлер сөз сөйледі, ҚХА жұмысын жетілдірудің тиімді жолдары талқыланды. Отырыс барысында ҚХА Төрағасының орынбасары-ҚХА Хатшылығының меңгерушісі М.Әзілханов ҚХА-ның 30 жылдығын мерекелеудің, әрбір қазақстандыққа бірлік пен келісім құндылықтарын түсіндірудің маңыздылығына назар аударды. ҚР Мәдениет және ақпарат министрлігінің этносаралық қатынастарды дамыту комитетінің төрағасы Г. Шойкин ҚХА Ақсақалдар кеңесінің «Адал Азамат» жобасын іске асыру жөніндегі жұмысты ұйымдастыру туралы айтып берді. Сондай-ақ, тарих ғылымдарының докторы, профессор Ж.Артықбаев, тарих ғылымдарының докторы, тарих профессоры, ҚР әлеуметтану академиясының академигі Б. Аяған сөз сөйлеп, қатысушыларға ұлт құрылысы тетігінің құралдарын, қазақстандық қоғам мен ұлт бірлігін шоғырландырудың тарихи негіздерін түсіндірді. Отырыс аясында ҚХА Төрағасының орынбасары - ҚХА Хатшылығының меңгерушісі М.Әзілханов пен Этносаралық қатынастарды дамыту комитетінің төрағасы Г. Шойкин өңірлік этномәдени бірлестік мүшелерімен кездесті.

• 04.03.2025
• 45