ҚХР ШҰАР мемлекеттік органдарымен келіссөздер

Қазақстан-Қытай шекарасындағы өткізу пункттерінің COVID-19 жағдайында жұмыс істеуі мәселелері Қазақстан Республикасы мен Қытай Халық Республикасының мүдделі мемлекеттік органдары арасындағы  келіссөздер барысында талқыланды.

Іс-шараға Қазақстан Республикасы сыртқы істер, денсаулық сақтау, индустрия және инфрақұрылымды дамыту, сауда және интеграция, ауыл шаруашылығы министрліктерінің, ҚР Ұлттық қауіпсіздік комитетінің Шекара қызметі, «ҚТЖ ҰК» АҚ өкілдері, сондай-ақ ҚХР Шыңжаң-Ұйғыр автономиялық ауданының мүдделі мемлекеттік органдарының басшылары қатысты.

Қытайлық делегациясын – ҚХР Шыңжаң-Ұйғыр автономиялық ауданы халық үкіметі Төрағасының бірінші орынбасары Чжан Чунлин басқарды.

Қазақстан-Қытай мемлекеттік шекарасының автомобиль және теміржол өткізу пункттерінде өткізу мүмкіндігін ұлғайту, автокөлік құралдары мен жүктерге қатысты эпидемияға қарсы іс-шаралар жүргізу бойынша бірлескен шаралар қабылдауға уағдаласты.

Қытай тарапы өткізу пункттерінің эпидемияға қарсы қауіпсіздігін қамтамасыз ету үшін құрылыс жұмыстарын жүргізеді.

Қазірдің өзінде 2021 жылғы бірінші жартыжылдықта уақытша жабылған «Майқапшағай» – «Зимунай», «Қалжат» – «Дулаты» өткізу пункттерінің қызметі қалпына келтірілетін болады.

• 01.03.2021
• 407