- Блогтар
- Қилыбай Н.И.
Қилыбай Н.И.
Маңғыстау облысының әкімі
Президент жаңаөзендік мұғалімді "Құрмет" орденімен марапаттады
Бүгін, 7 наурыз күні Мемлекет басшысы Қасым-Жомарт Тоқаев түрлі салада табысты еңбек етіп жүрген бір топ қыз-келіншекке жоғары мемлекеттік наградалар тапсырды.
Марапат алғандардың қатарында Жаңаөзен қалалық жалпы білім беретін №14 мектептің химия пәні мұғалімі Қараева Бибігүл Атшыбайқызы да бар. Ол Қазақстан Республикасының Президенті Қасым-Жомарт Тоқаевтың 2025 жылғы 3 наурыздағы Жарлығымен "Құрмет" орденімен марапатталды.
Бибігүл Атшыбайқызы 1984 жылы Гурьев педагогикалық институтының биология-химия факультетіне оқуға түсіп, 1989 жылы аталған оқу орнын тәмамдаған. 2000 жылдан бері №14 жалпы білім беретін мектепте химия пәнінің мұғалімі ретінде жас ұрпаққа білім беріп келеді. Шәкірттері қалалық, облыстық, республикалық олимпиадаларда жоғары нәтижелерге қол жеткізіп, ұстаз еңбегінің жемісін көрсетуде.
Бибігүл Атшыбайқызын жоғары марапатымен шын жүректен құттықтаймыз!
- 11.03.2025
- 20