Астанада «Ерекше қажеттіліктері бар азаматтарды әлеуметтік қолдау мәселелерін қарастыру» тақырыбында дөңгелек үстел өтті.

Астанада «Ерекше қажеттіліктері бар азаматтарды әлеуметтік қолдау мәселелерін қарастыру» тақырыбында дөңгелек үстел өтті.

Шараны Мәдениет және ақпарат министрлігі Еңбек және халықты әлеуметтік қорғау министрлігімен бірлесіп ұйымдастырды.

Шара барысында 2030 жылға дейінгі инклюзивті тұжырымдаманың негізгі аспектілері, ерекше қажеттіліктері бар адамдар үшін мәдениет мекемелерінің қолжетімділігі, сондай-ақ оларды қолдау үшін салалық волонтерлік қызметті дамыту мәселелері талқыланды.

Еске салайық, 13 қаңтарда Мемлекет басшысы «Қазақстан Республикасының кейбір заңнамалық актілеріне ақпаратқа қолжетімділік, қоғамның қатысуы, мемлекеттік наградалармен марапаттау және қажетсіз заңнамалық реттеуді жою мәселелері бойынша өзгерістер мен толықтырулар енгізу туралы» заңға қол қойған болатын.

Осы заң шеңберінде мүгедектердің мүдделерін есепке алу ақпаратқа қолжетімділік саласындағы заңнаманың негізгі қағидаттарының бірі ретінде бекітілді; әдебиеттерді, оның ішінде Брайль шрифтімен баспа өнімдерін шығару бойынша шаралар белгіленді,ақпараттың қолжетімділігін қамтамасыз ету үшін интернет-ресурстарды бейімдеу қамтамасыз етіледі; ақпараттық стендтерге еркін қол жеткізу талаптары, сондай-ақ мүгедектерді қажетті ақпаратпен қамтамасыз ету тәсілдері белгіленді.

• 12.03.2025
• 36