МАҢҒЫСТАУЛЫҚ ҚҰСБЕГІ БАС ЖҮЛДЕГЕ ИЕ БОЛДЫ

Өскемен қаласында құсбегіліктен ересектер арасында Қазақстан Республикасының XV чемпионаты өтті. Облыстық жастар ресурстық орталығының мәліметінше чемпионатта Маңғыстау ауданына қарасты Тұщыбек ауылының тумасы, құсбегі Айшуақ Тайманов бақ сынады.

Додалы бәйгеге еліміздің 10 өңірінен 34 бүркіт, 8 қаршыға, 8 ителгі сынға түскен. Ережеге сәйкес, қаршығаны 200 метр қашықтықтан қолға шақырып, кептерге және қоянға салу қажет. Осы сайыстан сүрінбей өткен Айшуақ 3 тапсырмадан да мүдірмей өтіп, Бас жүлдеге ие болды. Төрешілер құсбегілердің ұлттық киім үлгісіне, құстардың аңға түсуіне баға беріп отырды.

• 02.03.2021
• 234