2025 жылы 1,5 трлн теңгеге 190 жоба енгізілетін болады

ҚР Өнеркәсіп және құрылыс министрі Ерсайын Нағаспаев «Экономиканың нақты секторын қаржыландыру туралы» тақырыбындағы Үкімет отырысында баяндама жасады.

«Президент Үкіметтің кеңейтілген отырысында өңдеу өнеркәсібінің өсу үрдісін «бекітуді» тапсырды. Өңдеу өнеркәсібін дамыту үшін ағымдағы жылы 1,5  трлн теңгеге 190 жоба енгізілетін болады», – атап өтті Министр.

Сонымен қатар жалпы құны 15,3 трлн теңге болатын 417 жоба бойынша жұмыс басталды. Жобаларды қаржыландыру жеке инвестициялар, екінші деңгейлі банктер және даму институттары есебінен көзделуде.

Ерсайын Нағаспаев 1,1 трлн теңгеден астам сомаға өңдеу өнеркәсібі жобаларын қаржыландыру пысықталуда.Атап айтқанда, Қазақстан Даму банкі бойынша ірі жобаларды іске асыруға қажеттілік 183,5 млрд теңгеден астам соманы құрайды. «Өнеркәсіпті дамыту 800 млрд теңге қажет. Оның ішінде биыл шағын бизнес тарапынан ерекше сұранысқа ие шағын өнеркәсіптік аймақтарды қаржыландыруға шамамен 100 млрд теңгеге қажеттілік қалыптасты.

Аталған шаралар өнеркәсіптің өсуіне, жаңа жұмыс орындарын құруға және экономика салаларының дамуына мүмкіндік береді.

Одан бөлек, «Өнеркәсіпті дамыту қоры» арқылы қоғамдық көлік пен арнайы техниканы жаңарту үшін лизингке шамамен 108,9 млрд теңге қажет. Нәтижесінде, алдағы екі жылда 900 жуық жаңа автобус, сондай-ақ шұғыл және коммуналдық қызметтерге арналған сегіз жүзден (800) астам арнайы техника жеткізілетін болады.

«Биыл 19 млн ш. м. тұрғын үйді пайдалануға беру үшін «Бәйтерек» арқылы 500 миллиард теңге қосымша қаражат бөлу мәселесі пысықталуда», – түйіндеді Министр. 

         Оның 300 млрд теңгесі 21 мың жалға берілетін пәтерлерді сатып алуға, 120,6 млрд теңгесі инженерлік-коммуникациялық инфрақұрылымды орнатуға, 80 миллиард теңгесі «Отбасы Банкінің» 2-10-20 және 5-10-20 ипотекалық бағдарламаларын қаржыландыруға бағытталады.

• 27.03.2025
• 53