Қазақстанда жалпы массасы 55 млрд тоннаны құрайтын 1 700-ден астам техногендік-минералдық қалдықтар тіркелген

ҚР Өнеркәсіп және құрылыс министрі Ерсайын Нағаспаев Коммуналдық және өнеркәсіптік қалдықтарды басқару мәселелері туралы Үкімет отырысында баяндама жасады.

Министр Қазақстанда 1 747 техногендік-минералдық қалдықтар тіркелген, олардың жалпы массасы 55 млрд тоннаны құрайтынын атап өтті. Олардың негізгі бөлігі Павлодар, Қарағанды және Қостанай облыстарында орналасқан, және 67%-дан астамы бөлу балансын жүргізуді талап етеді.

«Бүгінгі таңда сирек металдар және сирек жер металдары саласын дамытудың Кешенді жоспары аясында, техногендік-минералдық қалдықтарды инвентаризациялау жұмыстары басталды. Осы жұмыстар қалдықтарды бағалауға, өңдеуге және экологиялық жобаларға инвестиция тартуға мүмкіндік береді», – деді Е. Нағаспаев.

         Қазақстанда техногендік-минералдық қалдықтарды өңдеу деңгейі шамамен 11%-ды  құрайды, ал дамыған елдерде бұл көрсеткіш 70-80%-ға жетеді. Қазірдің өзінде мыс, алтын, темір және басқа да шикізатты өндіру кезіндегі қалдықтар қайта өңделіп жатыр.

Мысалы, Ұлытау облысындағы Коунрад компаниясы өз кен орнының техногендік қалдықтарын пайдаланып, жылына 12 мың тонна мыс өндіреді – бұл еліміздің бүкіл мыс өнеркәсібінің 2,8%-ын құрайды. Соңғы екі жылда қалдықтарды қайта өңдеуге арналған жалпы сомасы 47,8 млрд теңге болатын 3 жоба іске қосылған.

Министр алдағы 2 жылда құны 37,3 млрд теңге болатын 4 жоба іске асырылатынын айтты. Одан бөлек, қазіргі таңда өнеркәсіп қалдықтарын қайта өңдеуге арналған 330 млрд теңге болатын 25 жоба іске асырылуда. Сомасы 133,8 млрд теңге болатын 8 жоба іске қосылды. Сондай-ақ, осы жылы 110  миллиард теңгеге 7 жобаны іске қосу жоспарланып отыр.

Жүзеге асырылып жатқан жобалар экологиялық жағдайды жақсартуға және саланың экономикалық тиімділігін арттыруға мүмкіндік береді.

         «Техногендік-минералдық қалдықтар мәселесін шешу және арнайы өндеу орындарына жеткізу үшін заңнамалық нормалар әзірленіп жатыр. Бұл әсіресе экологиялық проблемасы бар моноқалалар үшін өте маңызды», – деді Министр.

Министрлік техногендік-минералдық қалдықтарды өңдеуге арналған арнайы лицензия енгізу мәселесін қарастыруда. Осы ұсынылған шаралар экологиялық жағдайды жақсартуға, сондай-ақ өндірісте жаңа шикізат көздерін пайдалануға мүмкіндік береді.

• 27.03.2025
• 41