Министрлікте су тасқынына қарсы іс-шараларды үйлестіру жөніндегі жедел штаб отырысы өтті.

Министрлікте су тасқынына қарсы іс-шараларды үйлестіру жөніндегі жедел штаб отырысы өтті. Жиында «Қазсушар» филиалдарының еріген қар суын қабылдау және оны қауіпсіз өткізуге дайындығы пысықталды.

Бүгінгі таңда «Қазсушар» кәсіпорнының облыстық филиалдары су тасқынымен күресу үшін 360 бірлік арнайы техника дайындады. Бұдан бөлек, 32,7 мың тоннадан астам инертті материал дайын.

Гидротехникалық нысандардың 200 шақырымнан астам кірме жолдары қардан тазартылды. Сонымен қатар, кәсіпорын қызметкерлері еліміздің бірқатар облыстарында 1147 шақырым каналды механикалық тазалап, 230 гидротехникалық құрылысты жөндеді.

Су ресурстары және ирригация министрлігі «Қазсушар» филиалдарының материалдық-техникалық базасын жақсарту үшін Үкіметтің қолдауымен 757 бірлік арнайы техника мен көлік сатып алуды бастады. Бүгінгі таңда кәсіпорын филиалдарына 200-ден астам арнайы техника жеткізілді.

Арнайы техника және инертті материалдар қоры төтенше оқиға туындаған жағдайда қажет. Барлық су шаруашылығы нысандарында «Қазсушар» мамандары тәулік бойы кезекшілік жүргізеді және су қоймалары мен өзендердегі су деңгейін бақылап отыр.

• 31.03.2025
• 9