Қарағанды облысында он мектеп бой көтереді

Қарағанды, Бұқар жырау және Шет аудандарында «Жайлы мектеп» ұлттық жобасы аясында салынып жатқан мектептердің құрылысын тексердім. Біздің облыста барлығы 10 мектеп бой көтереді. Оның төртеуі өткен жылы ашылса,  қалғандары ағымдағы жылы аяқталады.

Құрылыс сапасына, сыныптарды жабдықтауға және іргелес аумақты абаттандыруға ерекше назар аударылуда. Бұл жай ғана ғимараттар емес, оқушылардың толыққанды дамуы үшін барлық жағдай жасалған заманауи білім беру инфрақұрылымы.

Ел Президенті бастамашылық еткен  «Жайлы мектеп» жобасы білім беру жүйесін дамытуда маңызды рөл атқарады және сапаның жаңа стандарттарын белгілейді. Биылғы жылы жайлы мектептерде білім алатын балалардың саны артатынына сенімдімін.

• 31.03.2025
• 14