Облыстағы су тасқыны кезеңі бойынша ақпарат

Облыс аумағында қар жамылғысының 78% сақталып отыр. Су бекеттеріндегі су деңгейі қалыпты. Барлық қызметтер күшейтілген режимде жұмыс істеуде.

Нұра ауданындағы жағдаймен таныстым. Мұнда өзен арналарының бойындағы топырақ жалдары нығайтылған. Құланөтпес және Құндызды өзендерінде мұз кептелістерін алдын алу үшін жарылыс жұмыстары жүргізілді. Осындай шаралар облыстың тағы жеті учаскесінде іске асырылды.

Барлық аудандарда су басу қауіпін азайту жұмыстары жалғасуда:

– 13 240 қап төселді;

-10 785 тонна инертті материал пайдаланылды;

-54 882 м арық және 3 765 су өткізу құрылыстары тазартылды;

-Бұқар жырау және Нұра аудандарында 42 860 м арықтар жасалды;

-ақпан айынан бастап 2,25 млн текше метр қар шығарылды.

Барлық жауапты қызметтер тәулік бойы жұмыс істейді және су тасқыны орын алуы мүмкін қауіпті учаскелерге мониторинг жүргізеді.

• 31.03.2025
• 11