Ерсайын Нағаспаев ЕҚДБ өкілдерімен кездесті

Бүгін ҚР Өнеркәсіп және құрылыс министрі Ерсайын Нағаспаев Еуропалық қайта құру және даму банкі өкілдерімен кездесу өткізді.

Кездесу барысында Ақтөбе Тараз қалаларындағы кәріз-тазарту құрылыстарын салу, сондай-ақ Қарағанды қаласындағы кәріз-тазарту құрылыстарын қайта құру жобасы талқыланды.

Кәріз-тазарту құрылыстары жобаларын іске асыру нысаналы трансферттер, халықаралық ұйымдар мен ұлттық институттардың несиелері, мемлекеттік-жекеменшік әріптестік тетіктері арқылы жоспарлануда.

Кездесудің қорытындысы бойынша тараптар Қазақстандағы инфрақұрылымдық жобаларды дамыту бойынша Еуропалық қайта құру және даму банкімен болашақ ынтымақтастықтың негізгі бағыттарын және қолдау механизмдерін айқындады.

Ақпарат үшін:

Еуропалық қайта құру және даму банкі (ЕҚДБ) 1991 жылы Орталық және Шығыс Еуропа елдерінде нарықтық экономиканы дамыту және өтпелі процестерді қолдау мақсатында құрылды. Қазіргі уақытта банк Орталық Азия, Шығыс Еуропа және Солтүстік Африкадағы 30-дан астам елге қаржылық қолдау көрсетеді. ЕҚДБ тұрақты инфрақұрылымды дамыту саласында белсенді жұмыс атқарады, оның ішінде энергетика, суару, экология және қалалық инфрақұрылым жобалары да бар.

• 01.04.2025
• 11