ТМРК-да сыбайлас жемқорлыққа қарсы іс-қимыл шаралары туралы айтылды

Бүгін 2021 жылғы 3 наурызда ҚР ҰЭМ Табиғи монополияларды реттеу комитеті басшысының төрағалығымен ҚР Сыбайлас жемқорлыққа қарсы іс-қимыл агенттігі  өкілінің қатысуымен ведомствода сыбайлас жемқорлыққа қарсы іс-қимыл бойынша қолданылатын шаралар туралы кеңес өтті.

         Кеңес Комитет қызметкерлері мен аумақтық департаменттер басшылығының қатысуымен онлайн-форматта өтті.

         ТМРК төрағасы Асан Дарбаев кеңесе қатысушыларды қарсы алып, сыбайлас жемқорлықтың алдын алу және сыбайлас жемқорлыққа қарсы заңнамадағы жаңалықтар туралы айтты.

         Сондай-ақ, өткен жылдың желтоқсан айында Қазақстан Республикасы Ұлттық экономика министрлігі Қазақстан Республикасы Сыбайлас жемқорлыққа қарсы іс-қимыл агенттігімен бірлесіп, Сыбайлас жемқорлықтың алдын алу бойынша кеңес өткізгенін еске салды, онда сыбайлас жемқорлыққа қарсы қызмет Табиғи монополияларды реттеу саласында сыбайлас жемқорлық құқық бұзушылықтарды жасау үшін ықтимал тәуекелдерді атап өтті.

         Сөз соңында Асан Дарбаев ішкі сыбайлас жемқорлық тәуекелін өткізу жөніндегі жұмыс топтарына осы бағыт бойынша тиімді жұмысты қамтамасыз етуді және тексеру нәтижелері туралы ақпаратты Комитеттің ресми сайтына орналастыруды тапсырды.

         Аталған жұмыс топтары Комитеттің өзінде және оның аумақтық департаменттерінде тұрақты негізде жұмыс істейтінін атап өту қажет.

         Комитеттің департаменттері де шетте қалмады, олар Сыбайлас жемқорлыққа қарсы іс-қимыл комитетінің 2020-2022 жылдарға арналған Жол картасын орындауға тоқталды.

         Нұр-сұлтан қаласы және Қызылорда облысы бойынша ТМРКД-ы басшылары Жол картасының орындалу барысы туралы нақты айтып берді.

         Кеңес соңында ведомство басшысы Комитет және оның аумақтық бөлімшелері қызметкерлерінің алдына нақты міндеттер қойды.

• 03.03.2021
• 247