Қолөнер мен тарих үйлесімі– маңғыстаулықтарды өзбекстандық шеберлер несімен таң қалдырды

«Ақтау - түркі әлемінің мәдени астанасы» ауқымды халықаралық іс-шарасына Өзбекстаннан өнерпаздармен қоса 4 қолөнер шебері келді. Олардың туындыларын Ақтау жағалауында арнайы тігілген киіз үйлерден көруге болады.

Рустам Зафаров - керамика кәсібін меңгерген әулеттің жетінші ұрпағы. Қолөнер шеберлерінің жұмысы тіпті Эрмитажда және әртүрлі елдердің мұражайларында сақталған. Ол әулетке ортақ кәсіптің тарихы өзі ойлағаннан да тереңнен бастау алуы мүмкін екенін айтады.  

-Біз қазірдің өзінде жетінші ұрпақпыз. Ұлдар осы істі жалғастырады. Біздің ұрпақ буынына қызғылт сары түс тән. Бұл оттың түсі. Біз барлық өнімдерді қызыл саздан жасаймыз. Әр ою-өрнектің, әр элементтің өзіндік символдық мәні бар.  Біздің команда мұндай іс – шараға алғаш рет қатысып отыр. Бұған дейін тек Өзбекстанда өткен түрлі фестивальдерге қатыстық. Бүгін Қазақстанға осындай маңызды іс-шараға келдік. Ақтау бізге өте ұнады, - дейді Рустам Зафаров.

Жібектен кесте тігу шебері - Насиба Исхакова мен оның суретші күйеуі Санжар Исхаков та іс-шарада бой көрсетті. Олар 24 жылдан бері осы іспен айналысып келеді. Шеберлер жібек матаны жібек жіппен кестелейді, сурет салады және сюжеттер ойлап табады.  Бұл өнер «сюзане» деп аталады. Қолөнерші төсек-орын, шапан тігеді.

-Кішкентай жастық қапшығын тігу үшін бірнеше күн қажет. Шапанға шамамен бір ай, ал төсек жапқышқа немесе дастарханға шамамен екі ай қажет. Маған бұл өнерді әжем үйретті, ал анам керамика жасады. Қазір біз күйеуімізбен жұмыс істеп жатырмыз, - дейді Насиба Исхакова.

Ағашқа сурет салумен Өзбекстаннан келген шебер - Шавкат Хамроходжаев айналысады. Ол қораптарды, ағаш панельдер мен сағаттарды, ыдыстарды безендіреді. Шебердің қызықты өнімдерінің арасында жаңғақтан ойылған шахмат бар.  

- Мен мұны республикалық өнер колледжін бітіргеннен кейін 15 жыл бойы істеп келемін. Ақтау қаласында маған теңіз ұнады. Көрмелермен біз басқа елдерге бардық. Бірақ қазақ мәдениеті бізге жақынырақ - біздің ортақ тұстарымыз көп, - деп атап өтті шебер.

• 04.04.2025
• 46