Саран қаласының дамуы туралы

Саран қаласында болдым. Қала белсенді дамып келеді. Сапар барысында жақын арада дамытылатын төрт негізгі бағытты айқындадық.

✅Бірінші және ең бастысы — су мәселесі. Әр үйде таза ауыз су болуы үшін желілерді жаңартуды аяқтаймыз.

✅Екінші - үйлердегі жылу. Барлық қалған үйлерді орталық жылу желісіне толық қосуды жоспарлап отырмыз. 

✅Үшіншісі - электр қуатымен қамтамасыз ету. Биылғы жылы шамамен 30 км электр беру желілері жаңартылады. Қаланың 14 көшесінде 400-ден астам жаңа жарықтандыру тіректері пайда болады. 

✅Төртінші бағыт - тазалық пен абаттандыру. Бүгін Саран қаласында бүкіл облыс бойынша қыстан кейінгі алғашқы "Таза Қазақстан" жалпықалалық сенбілігі өтті. Өз аулалары мен көшелерін тазалауға белсенді қатысатын тұрғындардың көптігі көңіл қуантады. Осы орайда тұрғындарды тазалық шараларына белсенді қатысуға  шақырамын!

Сондай-ақ, Саран индустриалды аймағының кәсіпорындары үшін сұранысқа ие мамандарды даярлайтын екі колледжде болдым. Студенттердің практикалық дағдыларды игеріп, оқуды бітіргеннен кейін бірден жұмысқа орналасу мүмкіндігі бары қуантады.

Индустриалды аймақтың өсуі жергілікті бизнестің дамуына әсер етуде. Мысалы, Саран қаласында алғашқы жекеменшік клиника ашылды. Бұл қаланың дамып келе жатқанының белгісі.

Қаланы көркейтуге бағытталған жұмыстар жалғасын табатын болады.

• 07.04.2025
• 34