Ақтаудағы айтулы мерекеге ТҮРКСОЙ-ға мүше мемлекеттерден 200-ге жуық қонақ келді

Ақтауға түркі тілдес мемлекеттерден 200-ге жуық қонақ келді. Оның 50-ге жуығы лауазымды тұлғалар мен халықаралық ұйымдардың басшылары. Сондай-ақ шетелдік өнерпаздар да осы мерекеге орай Ақтауға келді. Одан бөлек, ауқымды шараны тамашалауға еліміздің түкпір-түкпірінен де тұрғындар ағылып келіп жатыр.

Кешеден бері мұнда ортақ құндылықтарды, салт-дәстүрді насихаттайтын көрмелер жұмыс істеп жатыр. Онда қазақ халқының ұлттық бұйымдарымен бірге Әзербайжан, Түрікменстан, Өзбекстан, Қырғызстан мен Түркияның да құнды жәдігерлерін көруге болады.

Қазақстанның үшінші қаласы «Түркі әлемінің мәдени астанасы» мәртебесін алып отыр. Бұған дейін ауқымды шара Астана мен Түркістан қалаcында өткен. Өзге мемлекеттер де жобаны абыроймен өткізіп келеді. Ал Ақтаудағы шараны ТҮРКСОЙ Халықаралық ұйымы, еліміздің Мәдениет және ақпарат министрлігі мен Маңғыстау облысының әкімдігі ұйымдастырып жатыр.

Ашылу салтанаты бүгін, кешкі сағат 19:30-да бас сахнада өтеді.

• 07.04.2025
• 28