ТҮРКСОЙ ұйымының Бас хатшысы Сұлтан Раев халықты құттықтады

Бүгін, 5 сәуір Ақтауда «Ақтау – Түркі әлемінің мәдени астанасы» жылының ресми ашылу салтанатына халықаралық ТҮРКСОЙ ұйымының Бас хатшысы Сұлтан Раев арнайы қатысып, қала тұрғындары мен қонақтарын мерейлі мәртебемен құттықтап, халыққа жылы лебізін білдірді.

-  «Мәңгілік ел» мұратын жалғап, ұлттық дәстүрі мен мемлекеттік мәдениеті қайта жаңғырған, арманда кеткен Алаш арыстарының асыл мұратына мыңжылдықтар тоғысында қол жеткізген, айы оңынан туып, Тәңір тілегін берген, тарихта кеткен есесін түгендеп, еңсе тіктеген, бүгінде абыройы асып, атын әлем таныған киелі Қазақ жеріне – «Түркі әлемінің мәдени астанасы - Ақтау» атану рәсімінің салтанатты ашылуына қош келдік!  Ар ма, асыл Қазақ елі! Қазақстан – қазір ұлттық рухы берік, саяси жүйесі тұрақты, халықаралық аренадағы беделі зор, қуатты мемлекет. Орта Азияның, түгел Түркі дүниесінің жарқыраған жұлдызы – Қазақстан. Қазақ халқы – татулыққа ұйыған, жастары жасампаздыққа ұмтылған ел. Күллі әлем таныған, құрметтеп төріне оздырған беделді мемлекет», деп бастады сөз басын Сұлтан Раев.

ТҮРКСОЙ ұйымының Бас хатшысы алдымен Маңғыстау аймағының қадір қасиетіне тоқталып өтті. 

«Маңғыстау аймағынан Қашаған, Абыл, Сүгір бабалар, Әбіштей абыз тұлғалар мен қаншама қаһарман батырлар шыққан, 362 әулиелі Маңғыстаудың алтын кіндігіндей Отпан тау – ата-бабаларымыздың аяғы, тұлпарларының тұяғы тиген, батырлар мен билердің басын қосып, ел тағдырын шешіп, шешім қабылдаған жер. Осы қасиетті өңірде туып- өскен, кейін бүкіл қазақтың ғана емес, барша түркі әлемінің атышулы қаламгеріне айналған аңыз Әбіш ағамыз “Аңыздың ақыры” шығармасында тектіліктің ұлт құндылығындағы орнын дәйектеп, ұлтсызданудың мәңгүрттікке әкелетін идеясын ұсынса, оны заңғар жазушы Шыңғыс Айтматов ары қарай күшейтіп, дамытып, әлем оқырмандарының санасына тереңдете сіңірді», деді ол.

Сонымен қатар, Сұлтан Раев биыл Пір Бекет ата Мырзағұлұлының туғанына 275 жыл толуына орай мерейтой осы шараның аясында да лайықты аталып өтетін атады.
Ал қазақ мифологиясын зерттеуге үлкен үлес қосқан ғалым Серікбол Қондыбайдың шығармаларын түрік тіліне аударып, ТҮРКСОЙ тарапынан Түркиядан кітап шығатынын мәлімдеді.

 ТҮРКСОЙ ұйымы Ақтауды 2025 жылдың мәдени астанасы етіп тектен тек жарияламағанын айтты. 

«Биыл түркі әлемінің орталығында түркі ағайындар мәдениет пен әдебиеттің, салт-дәстүр мен тарихтың «түтінін түтетіп», қоян-қолтық араласып, бір-бірімен жақынырақ танысатын болады. Енді 2025 жыл бойы Халықаралық ТҮРКСОЙ ұйымының «Түркі әлемінің мәдени Астанасы» атты іс-шаралары аясында әлемді 

• 07.04.2025
• 28