Нұрдәулет Қилыбай Қарақия ауданындағы зәйтүн алқабын аралады

10 сәуір күні Маңғыстау облысының әкімі Нұрдәулет Қилыбай Қарақия ауданына қарасты Құрық ауылында отырғызылған зәйтүн алқабына барып, аймақтағы алғашқы аграрлық жобаның жүзеге асу барысымен танысты.

Жоба аясында 2023 жылы 3300 түп зәйтүн ағашы отырғызылып, бүгінде оның 80% тамыр жайып, бой көтерген. Бұл — зәйтүн ағаштарының өңірдегі күрделі климаттық жағдайларға төтеп бере алатынын білдіреді. Мамандардың айтуынша, 2026 жылы ағаштар жемісін береді деп күтілуде.

Айта кетейік, бұл жобаның негізгі мақсаты — ішкі нарықты жоғары сапалы отандық өніммен қамту, сонымен қатар жақын шет елдерге экспорт көлемін арттыру. Зәйтүн майы мен өзге де қайта өңделген өнімдерді сыртқы нарыққа шығару арқылы аймақтың ауыл шаруашылығы әлеуетін арттырып, жаңа жұмыс орындарын ашу жоспарлануда.

Маңғыстау облысы әкімінің баспасөз қызметі

• 11.04.2025
• 20