Бүгін Л.Н. Гумилев ат. Еуразия ұлттық университетінде Экономика факультетінің студенттеріне ашық дәріс оқыдым. Аталған дәріс ведомство мен университет арасында жасалған ынтымақтастық туралы меморандум аясында ұйымдастырылды

Елімізде жастардың тұлға ретінде қалыптасуы мен дамуына ерекше назар аударылып келеді және Қаржы министрлігі үшін жастармен байланыс орнату маңызды. Өйткені ведомство өзінің коммуникациялық саясатында жүргізіліп жатқан реформалардағы кейінгі өзгерістер туралы хабардарлықты арттыруға басымдық береді. ҚР Қаржы министрлігінің ведомстволық бағдарламалары тәлімгерлік институттарын дамытып, жас ұрпаққа қолдау көрсетуге оң әсер етеді. Өз кезегінде жастар мемлекеттік басқару саласын жедел цифрлы трансформациялап, елімізде IT-инфрақұрылымды құру бойынша озық тәжірибелер мен құралдарды енгізіп, таратуға септеседі.

Қаржы министрлігі бірнеше жылдан бері мемлекеттік қызметтердің қолжетімдігі мен қауіпсіздігіне басымдық бере отырып, цифрлы жаңашылдықтарды белсенді түрде енгізіп келеді. Кейінгі үш жылда ведомство мемлекеттік қаржы жүйесін әкімшілендіруді оңтайландырып, жеке және заңды тұлғалар үшін жайлы сервистер құруға бағытталған көптеген цифрлы шешімдерді іске қосты.

Қаржы министрлігінің цифрлы және тиімді бастамаларын енгізу арқылы мемлекет білім беру мен медицина саласын, сондай-ақ инфрақұрылымды жақсартып, басқада негізгі бағыттарды тұрақты түрде қаржыландыруға мүмкіндік алады. Мемлекет басшысы айтқандай, Қазақстанның жастары  креативті және ел келешегі олардың қолында. Біз үшін министрліктің қатарын тың идеялар әкеліп, цифрлы тетіктерді енгізе алатын сауатты, алғыр жастармен толықтыру маңызды.

Дәріс аяқталғаннан кейін студенттердің көкейдегі сұрақтарына жауап беріп, сондай-ақ қаржы саласын цифрландыру перспективаларына байланысты, салықты әкімшілендіру ісіне және қаржы секторындағы үрдістер бойынша пікір алыстым.

• 12.04.2025
• 35