Үкімет отырысында Олжас Бектенов Жаңаөзен қаласындағы газ өңдеу зауытының құрылыс мәселесін көтерді

Энергетика министрлігі жобаның бірінші кезеңін жыл соңына дейін аяқтау жоспарлары туралы баяндады.
«Жаңаөзен қаласында газ өңдеу зауытының құрылысы баяу жүріп жатыр. Бұл туралы өткен аптада Мемлекет басшысы айтты. Қандай шаралар қабылдануда?»,
– деп сұрақ қойды Премьер-министр Олжас Бектенов Энергетика министріне.

«Бүгінде жобаның бірінші кезеңі бойынша жұмыстар жүргізілуде, олар осы жылдың соңына дейін аяқталады деп күтеміз. Екінші кезең бойынша жобалық жұмыстар 24 сәуірде аяқталады. Әрі қарай, құжаттаманы мемлекеттік сараптамаға жібереміз, нәтижелері шілде айында жарияланады. Бүгінде зауытқа қажет барлық қондырғылар мен жабдықтарға тапсырыс берілген. Келесі жылға дейін елге толық әкеліп, монтаждау жұмыстарын жалғастырамыз. Барлық жұмыстар министрліктің тұрақты бақылауында»,
– деді Энергетика министрі Ерлан Ақкенженов.

📌 Олжас Бектенов Премьер-министрдің бірінші орынбасары Роман Склярға газ өңдеу зауытын салу мәселесін жеке бақылауға алу бойынша тапсырма берді.

• 23.04.2025
• 27