Шахтинскте жылыту маусымының қорытындысы шығарылды

Жұмыс сапарымен Шахтинск қаласына бардым. Мұнда өткен жылыту маусымын қорытындыладық. Ол тұрақты және  ойдағыдай өтті. Бұл өткен жылы жүргізілген ауқымды жөндеу науқанының нәтижесі. Станцияда негізгі және қосалқы жабдықтар жаңартылды, жылу оқшаулағыштар қалпына келтірілді. Соңғы үш жылда жылу желілерінің тозуы 6,3% — ға, ал негізгі жабдықтардың тозуы 5,3% - ға төмендеді.

Сондай-ақ,  Шахтинск қаласында «Таза Қазақстан» сенбілігі өтті. Көктемгі екі айлықтың басынан бері өңірде 1 700-ден астам ағаш отырғызылып, 300 гектар аумақ жиналды, 400 тоннадан астам қоқыс шығарылды.

Облыста орман қорын көгалдандыру және қалпына келтіру жұмыстары жалғасуда. Новодолинка орман ағаштарын өсіру орнында алғаш рет қайың, долана және итмұрын көшеттерін өсіру қолға алынды, қажетті инфрақұрылым дамытылуда. Кейіннен мұнда өсірілген көшеттер облыс аумағында отырғызылады.

Сонымен қатар, Пришахтинск орманының аумағы да абаттандырылуда.Мұнда қала тұрғындарының жайлы демалысы үшін арнайы орындар ұйымдастырылады.

Экологиялық сенбіліктер мен ағаш отырғызу шаралары бүгін бүкіл облыс бойынша өтіп жатыр.  

Біздің елді-мекендерді көгалдандыруға және абаттандыруға белсенді қатысқан барлық тұрғындарға алғысымды білдіремін.

• 29.04.2025
• 37