ҚР Қаржы министрлігі «Халық үніне құлақ асатын мемлекет» тұжырымдамасын ұстана отырып, ашықтықты арттыруға ерекше назар аударып келеді. Бұл міндетте іске асыруда Мемлекеттік қаржы жөніндегі қоғамдық кеңестің рөлі маңызды. Таяуда IV шақырылымдағы қоғамдық кеңестің алғашқы отырысы өткізілді

Аталған кеңестің жаңа құрамында экономика мен аудит саласының сарапшылары, ҮЕҰ мен БАҚ өкілдері, сондай-ақ жастар бар. Жиында кеңес туралы ереже бекітіліп, оның төрағасы ретінде профессор Жақсыбек Күлекеев сайланды.

Отырыста министрліктің былтырғы жұмыс нәтижелері мен биылғы жоспарларды таныстырдым. Айталық, ведомствоның барлық бөлімшесіндегі ауқымды цифрландыруды іске асыру, бюджет шығыстарын басқарудың тиімділігін арттыру, салық пен кеден саласындағы әкімшілендіру ісін жақсарту мен мемлекеттің ұзақмерзімді инвестицияларының тиімділігін күшейту туралы мұқият жеткіздім.

Осы орайда Қаржы министрлігі жанындағы қоғамдық кеңес – мемлекеттік қаржы жүйесінің ашықтығын қамтамасыз етуге бағытталған тұрақты түрде жұмыс істейтін алқалы әрі кеңесші орган екенін атап өткен жөн. Біз қоғамның мемлекетке деген сенімін нығайтып, бұл бағыттағы табысты жұмысты жалғастыруды жоспарлап отырмыз.

• 30.04.2025
• 27