Екібастұзда бандаждау кешені бірінші кезегінің ашылуы және электрометаллургиялық зауыт құрылысының басталуы құрметіне капсула салу рәсімі өтті

Іс-шараға Павлодар облысында жұмыс сапарымен жүрген Өнеркәсіп және құрылыс министрі Ерсайын Нағаспаев қатысты.

Министр «RAILCAST SYSTEMS» бандаждау кешенінің бірінші кезегінің ашылуына қатысып, оның саланы дамытудағы стратегиялық маңыздылығын атап өтті. Өндіріс кезең-кезеңімен іске қосылуда: доңғалақтарды механикалық өңдеу басталды, 2025 жылғы қыркүйекте осьтерді, ал 2026 жылғы мамырда шентемірлер мен соғылған бұйымдар шығару басталады. Толық іске қосылғаннан кейін негізгі бөлшектерді оқшаулау деңгейі 70%-дан асады.

Электр-металлургиялық зауыт құрылысының басталуы құрметіне арналған капсула салу рәсімінде Ерсайын Нағаспаев инвестиция көлемі шамамен 500 млрд теңгені құрайтын жоба 1 млн тоннаға жуық жоғары сапалы болат өндіруге мүмкіндік беретінін, мыңнан аса жұмыс орнын ашып, өңірдің дамуына серпін беретінін атап өтті.

Сондай-ақ, министр «ПРОММАШ KZ» ЖШС-де бағыттама бұрмалары, платформалар мен ашық вагондар үшін көміртекті және жоғары марганецті болат құймаларын шығаратын құю цехының құрылысына дайындық барысымен танысты. Бұл да теміржол машина саласында оқшаулау деңгейін арттырады.

• 02.05.2025
• 29