Құрметті еліміздің азаматтары, кәсіпкерлер!

Құрметті еліміздің азаматтары, кәсіпкерлер!

Соңғы уақытта, ұялы аударымдарды фискализациялау мәселесі бойынша әртүрлі пікірлер мен ұсыныстар жиі айтылып жүр. Парламенттік сауалдар келіп жатыр.

Осыған байланысты Қаржы министрлігі мынаны түсіндіреді.

Кәсіпте қолданылатын мобильді қосымшалар арқылы жасалатын аударымдарды фискализациялау жаңа салық ЕМЕС.
Әңгіме тек кірісті дұрыс көрсету, сатылған тауарларға, жұмыстар мен қызметтерге уақытылы фискалдық чектер беру туралы болып отыр.
Жеке тұлғалардың қаражатына келетін болсақ, оларға ешқандай салық салынбайды. Мысалы, студентке ата-аналық көмек, туыстарына материалдық көмек және жеке адамдар арасындағы басқа аударымдарға салық салынбайды.
Мемлекеттік кірістер органдары банктермен, бизнес қауымдастықтарымен бірге жеке мақсаттарда және бизнесте қолданылатын мобильді (жедел) трансферттерді бөлу тетіктерін әзірлеуде.
Мұны кәсіпкерлер қауымы дұрыс түсіне бастағаны қуантады.
Ағымдағы жылдың басынан бастап 20 мыңнан астам субъектілер кәсіпкерлік қызметке арналған, жеке шот қолданылатын банктік өнімге ауысты.
Жалпы, бүгінде 1,2 миллионға жуық ммкро және шағын бизнес 2023 жылға дейін табыс салығынан босатылды.

• 05.03.2021
• 398