Бүгін облыстық мәслихаттың кезектен тыс үшінші сессиясына қатыстым.

Оның барысында облыстың 2021 жылға арналған бюджетін өзгерту мәселелері қаралды. Енгізілетін өзгерістер ағымдағы жылдың басында қалыптасқан бос қалдықтарды бөлумен, сондай-ақ облыстық бюджеттік бағдарламалар әкімшілерінің қаражатын басым бағыттарға қайта бөлумен байланысты.

Қосымша қаражат аймақ үшін маңызды мәселелерді шешуге жұмсалады. Мәселен, "Шығыс - Адалдық алаңы" жобасы аясында 10 ауылдық елді мекенді "Ашық әкімдік" форматында қызмет көрсетудің сервистік моделіне көшуге 38,9 млн.теңге бөлінді.

29,7 млн.теңге көпбалалы және аз қамтылған отбасыларға әлеуметтік-құқықтық көмек көрсету үшін мемлекеттік әлеуметтік тапсырысты орналастыруға бағытталатын болады. Сонымен қатар, депутаттар Чернобыль АЭС-індегі апаттың зардаптарын жоюға қатысушыларды еске алуға арналған монумент салу жобасын мақұлдады.

Күн тәртібінде, сондай-ақ Өскемен және Риддер қалаларының бірқатар көшелерін қайта атау мәселелері қаралды.

• 05.03.2021
• 301