Әсет Ерғалиев Үкіметте ШОБ қолдау шараларының қосымша пакетін ұсынды

ҚР Президенті жанындағы экономикалық өсуді қалпына келтіру жөніндегі мемлекеттік комиссияның отырысы барысында Ұлттық экономика министрі Әсет Ерғалиев кәсіпкерлерді қолдау бойынша шұғыл шаралар пакетін ұсынды.

Ерғалиевтің айтуынша, 4 бағыт бойынша 24 шарадан тұратын қосымша пакет қалыптастырылды: бизнеске жүктемені азайту, қаржыландыруға, сұраныс нарықтарына және сапалы адам ресурстарына қолжетімділікті кеңейту.

Қосымша шаралар пакеті озық қалпына келтіру серпінін және жаңа экономикалық шындық жағдайында іскерлік белсенділікті ынталандыратын экожүйені қалыптастыруды қамтамасыз етуге мүмкіндік береді.

Тікелей іс-қимыл шаралары ағымдағы жылы ЖІӨ-нің 3% - ке өсуіне қол жеткізуге ықпал етеді, 3,3 млн-нан астам адам жұмыс істейтін 1,2 млн-нан астам кәсіпкерлік субъектілерін қолдауды қамтамасыз етеді.

Мемлекеттік комиссия кәсіпкерлерді қолдау бойынша шұғыл шаралар пакетін мақұлдады.

Премьер-Министр Ұлттық экономика министрлігіне Парламент Мәжілісіне енгізу үшін қолданыстағы заңнамаға тиісті түзетулер топтамасын Үкіметке енгізуді тапсырды.

• 05.03.2021
• 252