Облыстың ветеринариялық станцияларына 66 жаңа көлік берілді

Автопаркті мұндай ауқымды жаңарту алғаш рет жүргізілуде және мамандарға үй жануарларының ауруларын алдын алу мен диагностикалау үшін ауылдарға жедел баруларына ықпал етеді.

Машиналар жеті аудандық станция мен Қарағанды және Балқаш қалаларына берілді.

Бұл материалдық-техникалық базаны жақсартуға бағытталған жоспарлы жұмыстың бір бөлігі. Келесі жылы саланың қызметтік көлікке деген қажеттілігін толығымен жабуды жоспарлап отырмыз.

Сондай-ақ аудандарда қосымша бес жаңа ветпункт құрылысы жүргізілуде.

Біздің міндетіміз — жергілікті жерлерде жұмыс істеу үшін қажетті жағдайларды жасау және ауыл тұрғындары үшін ветеринарлық көмекті қолжетімді ету.

• 20.05.2025
• 29