Нұра ауданына жұмыс сапарымен барып қайттым

Көбетейде 1 100 басқа арналған сүт-тауар фермасы іске қосылды. Мұнда жыл сайын 9 мың тоннаға дейін сүт өндіріліп, 60 жаңа жұмыс орны ашылып, еуропалық жабдықтар орнатылды.

Егіс алқабы 342 мың гектарды құрайды. Бұл өткен жылдан 18 мың гектарға артық. Майлы және жемшөп дақылдарына баса назар аударылып, суару ауданы кеңеюде.

Тұрғындардың өтініштеріне сәйкес Жараспай – Нұра трассасын (Құланөтпеске дейінгі учаске) жөндеуді бастаймыз және Көбетейге баратын республикалық жолдағы жұмыстардың сапасын бақылаймыз.

Нұрада 14 пәтерлік Дәрігерлер үйі жөнделуде. Сонымен қатар, он медициналық нысан салынуда, оның ішінде Изендіде ФАБ бой көтереді.

«Ауыл – Ел бесігі» бағдарламасы бойынша су құбырын, жолдарды және әлеуметтік инфрақұрылымды жаңғыртамыз. Биыл Өнер үйі пайдалануға тапсырылады. Аудан орталығына жақын жерде Nura Nomad Next балалар этнолагері салынуда. Лагерь осы жазда 250 баланы қабылдауға дайын болады. Бұл жерде киіз үйлер құрылып, көшпенділер мәдениетіне баса назар аударылған.

Сондай-ақ сапар барысында тұрғындармен кездестім. Айтылған ұсыныстар назарға алынатын болады.

• 20.05.2025
• 39