Ақмола облысының әкімі әйелдерді 8 Наурыз мерекесімен құттықтады

Халықаралық әйелдер күнін мерекелеу қарсаңында Ақмола облысының әкімі Ермек Маржықпаев көп балалы аналармен және түрлі қызмет салаларының өкілдерімен кездесті.

Іс-шара барысында облыс әкімі көп балалы аналарға "Алтын алқа" және "Күміс алқа" белгілерін, мәдениет мекемелерінің қызметкерлеріне "Мәдениет саласының үздігі" төс белгілерін және өз кәсібінің үздік өкілдеріне алғыс хаттар табыс етті.

Облыс әкімі өз сөзінде біздің мемлекетімізде отбасы институтын қолдау мәселелеріне ерекше көңіл бөлінетінін атап өтті. Ана мен баланы әлеуметтік қорғаудың қолданыстағы шаралары халықтың әл-ауқатын жақсартуға бағытталған. Бүгінде облыста 15 мыңнан астам көп балалы аналар тұрады, оларға жан-жақты мемлекеттік қолдау көрсетіледі.

"Ақмола облысының әйелдері тіршіліктің барлық саласында жұмыс істейді. Олар өздерінің күнделікті еңбектерімен өңірдің және жалпы республиканың дамуына лайықты үлес қосуда. Көктемгі мереке қарсаңында әйелдер-дәрігерлер мен медицина қызметкерлеріне, полиция мен әскери қызметкерлерге, меценаттарға, педагогтер мен еріктілерге инфекциямен күреске қосқан үлесі және халыққа пандемиядан туындаған қиындықтарды жеңуге көмектескені үшін зор алғысымды білдіремін", - деп атап өтті аймақ басшысы.

Сондай-ақ, облыс әкімі Көкшетау қаласының коммуналдық қызмет қызметкерлерін облыс орталығының трансформациясына елеулі үлес қосып келе жатқан қыз-келіншектерді құттықтады. "Күн сайын ауа-райының қолайсыздығына қарамастан, сіз біздің сүйікті қаламызды көркейтесіз. Сіздерге шын жүректен денсаулық, ұзақ өмір және сарқылмас қуат тілеймін", - деді Ермек Маржықпаев.

• 05.03.2021
• 255