Астанада өткен Қазақстан-Француз инвестициялық форумына қатыстым

Шара барысында Қарағанды облысының инвестициялық әлеуетін таныстырып, халықаралық әріптестермен келіссөздер жүргіздік.  Су технологиялары саласындағы әлемдік көшбасшы SUEZ француз компаниясымен бірлесіп, Қарағандыда суды ұтымды пайдалану жобасын іске қосамыз. Жоба озық технологияларды енгізуге, сумен жабдықтаудың тиімділігін арттыруға, сондай-ақ су шығынын азайту және қызмет көрсету сапасын жақсарту бойынша шешімдерді әзірлеуге бағытталған.  

Сонымен қатар, Қарағанды медициналық университеті Париж-Сакле университетімен келісім жасасты. Осы орайда академиялық алмасу, биомедицина саласындағы бірлескен ғылыми зерттеулер жоспарлануда.  Біз француз серіктестерімізге Қарағанды облысына қызығушылық танытқаны үшін алғыс айтамыз. Сондай-ақ ұзақмерзімді, өзара тиімді жобаларға дайын екенімізді атап өтеміз, ол үшін бізде барлық қажетті ресурстар,  атап айтқанда дамыған инфрақұрылым, индустриялық база, білікті кадрлар, бизнесті қолдаудың мемлекеттік құралдары бар.

• 30.05.2025
• 43