Мемлекеттік қызмет – тұрақтылықтың берік тірегі

Мемлекеттік қызмет институтына еліміздің саясатын қалыптастыру мен іске асыруға маңызды рөл жүктелген. Аталған тетік – халықтың әл-ауқаты мен Қазақстанның орнықты дамуының кепілі.

Бүгінде «Халық үніне құлақ асатын мемлекет» тұжырымдамасының маңызы ерекше. Бұл жүйе билік, қоғам және бизнес арасындағы ашық диалогты орнатуға бағытталған. Қазақстанның әлеуметтік-экономикалық дамуы жолындағы міндеттерді біз тек өзара сенім мен тиімді байланыс арқылы ғана жүзеге асыра аламыз.

Айтулы мерекеде мемлекеттік қызмет саласында ұрпақ сабақтастығы мен адалдық дәстүрін қалыптастырған ардақты ардагерлерге шынайы алғыс білдіремін. Жас мемлекеттік қызметшілерге жеткен жетістіктермен тоқтап қалмай, жаңа білім игеріп, байыпты шешімдер қабылдап, әрдайым әділдік қағидаттарына берік болуларын тілеймін!

Мереке құтты болсын! Еңбектеріңіз еселеніп, мемлекетіміз көркейе берсін!

• 23.06.2025
• 29