Қаржы министрлігі азаматтармен тікелей қарым-қатынасты нығайтып келеді

Қазақстан Республикасының Қаржы министрлігі «Халық үніне құлақ асатын мемлекет» тұжырымдамасын жүзеге асыруға ерекше көңіл бөліп келеді. Соған сәйкес ашықтықты арттыруға, қолжетімділікке және қоғаммен диалог орнатуға басымдық беріліп отыр. Азаматтардың тұрақты қабылдауын өткізу, кері байланыс орнату мен қазақстандықтарды маңызды қаржы-экономикалық шешімдерді талқылауға тарту – біздің ведомство жұмысының ажырамас бөлігіне айналды. Кездесуде Ақмола облысындағы мәдени-спорттық кешенін салуға қатысты өзекті мәселелер қаралды. Мемлекеттік сатып алу туралы жаңа заңға да ерекше назар аударылды. Сатыпалым жүйесінің ашықтығын арттыру мақсатында оны жетілдіруге қатысты нақты ұсыныстар айтылды. Қабылдаудың қорытындысы бойынша айтылған әрбір мәселеге байланысты шешімдер әзірлеуге нақты тапсырмалар бердім. Мұндай тікелей кездесулер біздің жұмысымыздың маңызды бөлігі екенін ерекше атап өткім келеді. Осы арқылы халықтың шынайы мәселелерін біліп, уақтылы әрекет етуге мүмкіндік аламыз.

• 26.06.2025
• 14