Қызылорда облысының әкімдігінде судың «көлеңкелі нарығына» қарсы күрес мәселелері бойынша кеңес өткіздім. Оған өңірдің құқық қорғау органдарының барлық басшысы қатысты.

Жиында заңсыз су алуды анықтау мақсатында министрлік мамандарынан құрылған мониторинг тобының жұмысы бойынша есеп тыңдалды.

Суды заңсыз пайдаланумен күресу үшін біз су объектілеріне тұрақты мониторинг жүргізу, су заңнамасын бұзушыларға қатысты жауапкершілікті күшейту және суармалы суды пайдалану ережелерін қабылдау сынды бірқатар нақты шараны қолға алдық.

Биыл 10 маусымда суамалы суды пайдалану ережелері күшіне енді. Ережеде бекітілген тарифтен екі еселенген мөлшерде келісімшартсыз суды тұтынғаны үшін айыппұл санкциялары қарастырылған. Сондай-ақ су жеткізушінің келісімінсіз өсірілетін дақылдардың түрін өзгерткен жағдайда бекітілген тарифтен бір жарым есе жоғары айыппұл салынады.

Судың «көлеңкелі нарығымен» белсенді күрес Мемлекет басшысының тапсырмасы бойынша жүргізіліп жатыр. Бұл салада ашықтық пен тәртіпті, су ресурстарының әділ бөлінуін қамтамасыз етіп қана қоймай, су пайдаланушылардың құқығын қорғау үшін де өте маңызды.

Суды заңсыз пайдаланушылардың әрекетін әшкере етіп, тәртіп орнату үшін құқық қорғау органдарымен бірлескен жұмысты күшейту керек. Осыған байланысты құқық қорғау органдарының өкілдеріне жұмыс тобымызға қосылуды ұсындым.

• 30.06.2025
• 12