Отан күзеткен ағайынды сарбаздар

Жаңаөзендегі 5548 әскери бөлімінде еліміздің түкпір-түкпірінен келген ер азаматтар абыроймен қызмет атқарып жүр. Солардың қатарында бір отбасының қос перзенті — ағайынды Наурызбек пен Данабек Жұмашовтар бар. Олар әскери мамандықты жүрек қалауымен таңдаған.

Қызылордалық Наурызбек пен Данабек бала кезінен әскери формаға қызығып өскен. Бүгінде Наурызбек Жұмашов — взвод командирі, ал оның інісі Данабек Жұмашов — байланыс торабының бөлімше және аппарат бастығы қызметін атқарады. Наурызбек әскери жолын 2017 жылы бастап, бүгінге дейін ел тыныштығын сақтау жолында аянбай еңбек етіп келеді.

– Әскери қызмет — жай ғана мамандық емес, бұл — Отан алдындағы қасиетті борыш. Әскерилерге артылар жүк ауыр, жауапкершілік жоғары. Батыр Бауыржан Момышұлы айтқандай: «Тәртіпсіз ел болмайды, тәртіпке бағынған құл болмайды», — дейді Наурызбек Берікұлы.

Ағайынды сарбаздар — жас буынға үлгі. Олар үшін Отан қорғау — мақтаныш әрі азаматтық парыз.

• 01.07.2025
• 4