Президент маңғыстаулық мәдениет және өнер қызметкерлерін марапаттады

Бүгін, 20 мамыр күні Ақордада Мемлекет басшысы Қасым-Жомарт Тоқаевтың Жарлығымен ұлттық мәдениетті дамытуға және насихаттауға қосқан айрықша үлесі, мәдениет саласындағы аса үздік жетістіктері және Қазақстан Республикасына сіңірген еңбегі үшін бір топ азамат марапатталды. Марапатталғандардың қатарында маңғыстаулық мәдениет саласының қызметкерлері де бар.

Ел Президенті «Қазақстанның халық әртісі» құрметті атағымен әнші, «Құрманғазы атындағы Қазақ ұлттық консерваториясы» РММ қауымдастырылған профессоры Айгүл Қосанованы, «Құрмет» орденімен «Құрманғазы атындағы Қазақ ұлттық халық аспаптар оркестрі» РМҚК бас дирижері Абылай Тілепбергеновті марапаттады.

«Ерен еңбегі үшін» медалімен «Мұрат Өскінбаев атындағы Маңғыстау облыстық филармониясы» МКҚК Абыл Тарақұлы атындағы ұлт аспаптары оркестрінің солисі Асқар Көшеров, Маңғыстау облысының мәдениет, тілдерді дамыту және архив ісі басқармасының «Нұрмұхан Жантөрин атындағы облыстық музыкалық-драмалық театры» МКҚК директоры Айдос Тастаев, «Маңғыстау облыстық қуыршақ театры» МКҚК актері Ержан Бигашев, Маңғыстаудың тумасы «Mezzo» вокалдық тобының солисі Асан Нұрбергенов марапатталды.

• 02.07.2025
• 3