Мәлік Отарбаев Есенов университетінде болды

ҚР Президентінің кеңесшісі Мәлік Отарбаев Ш.Есенов атындағы Каспий технологиялар және инжиниринг университетінің ұжымы және студенттерімен кездесіп, Yessenov Technopark қызметімен танысты.

Кездесуге Маңғыстау облысы әкімінің орынбасары Аббат Өрісбаев, университет ректоры Берік Ахметов қатысып, Президент кеңесшісімен бірге ұлттық құрылтайда сөз болған мәселелерді талқылады.

- Қасым-Жомарт Тоқаевтың ұлттық құрылтайдағы бағдарламалық баяндамасы - мемлекеттік маңызы бар құжат. Осы мақсатта 9 өңірде сіздердің әріптестеріңізбен кездесіп, талқылап, пікір алмастық. Биылғы ұлттық құрылтайда көтерілген 53 мәселе бойынша 53 тармақтан тұратын құжат қабылданды. Көтерілген мәселелер түбегейлі шешілу үшін Мемлекет басшысы бірқатар тапсырмалар берді. Ол сөз жүзінде емес, іс жүзінде көрініс табатын болады. Біз баршамыз жұмыла жұмыс істеп, аталған мәселелерді шешуге белсенді атсалысуымыз қажет, - деді Мәлік Отарбаев.

Жиын барысында саяси ғылымдарының докторы, профессор Киікбай Жаулин Мемлекет басшысының бастамаларына қолдау білдірді.

– Президентіміздің салмақты да салиқалы саясаты халқымыздың жүрегінен орын алды. Бұл саясат – бірлік пен татулықты нығайтып, ел болып бірігуімізге жол ашады. Еліміздің іргесі берік, болашағы жарқын болсын!, – деді Киікбай Жаулин.

• 02.07.2025
• 1