Ұлттық жоба іске асуда: Бейнеуде 300 орындық мектеп құрылысы салынуда

Бейнеу ауданының Сам ауылында «Жайлы мектеп» ұлттық жобасы аясында 300 орындық мектеп-бөбекжай кешені салынып жатыр, деп хабарлайды Қоғамдық коммуникация орталығы аудан әкімдігінің баспасөз қызметіне сілтеме жасап.

Нысан 2022 жылдың сәуір айында апаттық жағдайда деп танылған Сам ауылындағы «Сам» мектеп-бөбекжай кешенінің орнына тұрғызылуда. Жобаны «СКА-Строймонтаж» ЖШС жүзеге асырып жатыр.

Бүгінде құрылыс нысанында ішкі және сыртқы әрлеу жұмыстары жүргізілуде. Ішкі жұмыстардың 97% аяқталған. Сонымен қатар, асфальт төсеу, кеспе тас салу(брусчатка), кәріз жүйесін орнату және электр желісін тарту жұмыстары жалғасуда. Құрылыс тамыз айында аяқталып, қыркүйекте пайдалануға беру жоспарланған.

Бүгінде облыста «Жайлы мектеп» ұлттық жобасы аясында 8100 орындық 9 мектептің құрылысы жүруде. Аталған білім ордалары жаңа оқу жылында пайдалануға беріледі.

• 02.07.2025
• 6