Ақтауда «Мемлекеттік органдарда әйелдерге қатысты кемсітушіліктен және жыныстық қудалауды болдырмау» тақырыбында семинар өтті

Гендерлік теңдік – қазіргі заманғы демократиялық қоғамның негізгі қағидаларының бірі.  Әйелдердің құқықтарын қорғау және олардың мемлекеттік басқару жүйесіне толыққанды қатысуын қамтамасыз ету – Қазақстан Республикасының басым бағыттарының бірі. Өкінішке орай, мемлекеттік органдарда әйелдерге қатысты кемсітушілік жағдайларының орын алатындығын жоққа шығара алмаймыз. Саналы қоғамның қалыптасуын әр адам өзінен бастап, адамгершілік қағидаттарын жоғары қойғанда, мәселеге  көз жұма қарамай, бірігіп күресе білгенде ғана саналы орта қалыптасады.

Әйелдерге қатысты кемсітушілік пен жыныстық қудалау – тек жеке адамның мәселесі емес, жалпы алғанда қоғамның даму жолындағы кедергілердің бірі.

28 мамыр күні Маңғыстау облысы әкімі аппаратының Әдеп жөніндегі уәкілі  және облыс әкімі жанындағы әйелдер істері және отбасылық  – демографиялық саясат жөніндегі комиссиясының ұйымдастыруымен  «Мемлекеттік органдарда әйелдерге қатысты кемсітушіліктен және жыныстық қудалауды болдырмау» атты тақырыбында жергілікті атқарушы органдардың, үкіметтік емес және қоғамдық  ұйымдардың,  аналар кеңесінің, әкелер одағының өкілдерін тарта отырып семинар өткізілді.

Семинарға облыс әкімі аппараты басшысының орынбасары Әсел Балманова төрағалық етті. Спикер ретінде ҚР Адам құқықтары жөніндегі уәкілінің  Маңғыстау облысы бойынша  өкілі Асылан Кужиев, Гендер сұрақтары бойынша сарапшы, МО ҚХА төраға орынбасары Оксана Белоножкина, «Мейірім» қоғамдық бірлестігінің сарапшысы Әлия Нарбай, облыс әкімінің штаттан тыс кеңесшісі Жақсыгүл Маханбетова және облыс әкімі аппаратының Әдеп жөніндегі уәкілі Феруза Исмагулова көтерілген тақырыпта баяндама жасап, семинарға қатысулшылардың сұрақтарына жауап берді.

Тақырыпты талқылай келе, жынысына қарай кемсітушілік пен қудалау фактілері болған жағдайда жүгіну жолдары және аталған мәселе облыс әкімдігінің Әдеп жөніндегі уәкілінің тұрақты бақылауында екендігі назарға берілді.

• 02.07.2025
• 3