Нұрдәулет Қилыбай азаматтарды жеке мәселелері бойынша қабылдады

Бүгін, 4 маусым күні Маңғыстау облысының әкімі Нұрдәулет Қилыбай тұрғындарға жеке қабылдау өткізді. Кезектілік тәртібімен ұйымдастырылған қабылдауға аймақ тұрғындары түрлі әлеуметтік және құқықтық сипаттағы мәселелермен келді.

Кездесу барысында азаматтар бірқатар өзекті мәселелерді көтерді. Атап айтқанда, бір тұрғын мүгедек ұлының жағдайын ескере отырып, көпқабатты үйдің бірінші немесе екінші қабатынан пәтер берілуін сұрады. Тағы бір азамат «Капитал Плюс» ЖШС қызметіне байланысты туындаған мәселесін баяндады. Сонымен қатар, ол облыс аумағында оңалту орталығын ашу қажеттігін айтып, осы бастаманы іске асыру үшін қайтарымсыз грант алу мүмкіндігін қарастыруды сұрады.

Нұрдәулет Қилыбай әрбір азаматтың өтінішін мұқият тыңдап, олардың шешімін заң шеңберінде қарастыру мақсатында жауапты мемлекеттік мекемелерге нақты тапсырмалар берді.

Маңғыстау облысы әкімінің баспасөз қызметі

• 02.07.2025
• 3