Ақтауда білім беру ұйымдарындағы қаржылық және материалдық көмек көрсету мәселелері бойынша семинар-кеңес өтті

Ақтауда 17 маусым күні білім беру ұйымдарының білім алушылары мен тәрбиеленушілеріне қаржылық және материалдық көмек көрсету қызметін ұйымдастыру барысында туындайтын мәселелерді талқылауға арналған семинар-кеңес өтті.

Семинар-кеңеске Қазақстан Республикасы Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті төрағасының орынбасары, сондай-ақ Атырау, Ақтөбе, Батыс Қазақстан және Қызылорда облыстары әкімдері аппараттары басшыларының орынбасарлары мен жауапты қызметкерлері және ҚР Мемлекеттік қызмет істері агенттігінің өңірлік департаментінің басшысы, Әдеп жөніндегі уәкіл, облыстық білім басқармасының, жұмыспен қамтуды үйлестіру және әлеуметтік бағдарламалар басқармасының басшылары, қалалық және аудандық білім бөлімдерінің басшылары, қала және аудан әкімдері аппараттарының өкілдері қатысты.

Жиын барысында мемлекеттік қызметтерді көрсету саласында туындайтын кейбір түйткілді мәселелер, соның ішінде «Білім беру ұйымдарының білім алушылары мен тәрбиеленушілеріне қаржылық және материалдық көмек көрсету» қызметін жүзеге асыруда кездесетін өзекті жағдайлар жан-жақты зерделеніп, пікір алмасу мақсатында талқыланды.

Семинар аясында білім алушылардың әлеуметтік әл-ауқатын арттыру бағытындағы мемлекеттік қолдаулардың көрсетілу тәртібі, көмек көрсету процесіндегі өзекті мәселелер мен оларды шешу жолдары, сондай-ақ цифрландыру арқылы қызмет сапасын арттыру мәселелері қозғалды.

Жиын қорытындысында бірқатар нақты ұсыныстар мен міндеттер айқындалды. Қатысушылар мемлекеттік қызметтердің тиімділігі мен қолжетімділігін арттыру жолында ведомствоаралық өзара іс-қимылды күшейту қажет екенін атап өтті.

• 02.07.2025
• 6