Облыс әкімінің орынбасары Ербол Ізбергенов Құрық ауылындағы инфрақұрылымдық жобалармен жіті танысты

Маңғыстау облысы әкімінің орынбасары Ербол Ізбергенов Құрық ауылына жұмыс сапарымен барып, өңірдегі инфрақұрылымдық жобалардың жүзеге асу барысымен танысты.

Сапар барысында Ербол Ізбергенов «Алёка» су тұщыту зауытының құрылыс алаңында болып, нысанның бүгінгі жағдайымен танысты. Аталған зауыт — ауыз су тапшылығын азайтуға бағытталған маңызды жоба болып табылады. Қазіргі таңда құрылыс жұмыстарының 70 пайызы аяқталып, нысанды 2025 жылғы шілде айында іске қосу жоспарланып отыр.

Жоба аясында бүгінгі күнге дейін 49 ұңғыма қазылып, 7 дана кТп (комплектілі трансформаторлық подстанция) орнатылған. Сондай-ақ зауыттың үздіксіз электрмен қамтылуын қамтамасыз ету мақсатында «МРЭК» АҚ-пен келіссөздер жүргізілуде.

Зауыт толық іске қосылғанда тәулігіне 12 000 шаршы метр (текше метр) тұщы су өндіруге мүмкіндік береді. Бұл Құрық ауылы мен оған жақын орналасқан елді мекендерді сапалы ауыз сумен қамтуға үлкен септігін тигізеді.

Айта кетейік, «Алёка» су тұщыту зауыты — заманға сай технологияларға негізделген, өңірдегі экологиялық және әлеуметтік маңызы зор инфрақұрылымдық жоба.

• 02.07.2025
• 8