Ақтауда «Есірткісіз Маңғыстау» жобасы аясында «Санаңды сақта» жастар апталығы өтеді

Ақтауда «Есірткісіз Маңғыстау» жобасы аясында «Санаңды сақта» жастар апталығы өтеді

Маңғыстау облысында өңірлік жастар саясаты мәселелері жөніндегі басқарманың бастамасымен жүзеге асып жатқан «Есірткісіз Маңғыстау» жобасы аясында биыл бірқатар әлеуметтік маңызы бар іс-шаралар қолға алынуда.

Атап айтқанда, 26 маусым – Халықаралық нашақорлықпен күрес күніне орай «Санаңды сақта» атты жастар апталығы өтеді. Апталық 23–27 маусым аралығында болады.

23 маусым – «Нашақорлыққа жол жоқ» тақырыбында қала тұрғындары мен қонақтарына арналған мобильді ақпараттық науқан ұйымдастырылады. Науқан аясында ақпараттық брошюралар мен жадынамалар, қоғамдық орындарда «Есірткісіз Маңғыстау» жобасы аясында іске қосылатын колл-орталықтың, ресми сайт пен чат боттың қызметі туралы ақпарат беретін постерлер орналастырылады.

24 маусым – өңірлік инфлюенсерлер, БАҚ өкілдері, жас көшбасшылар мен қоғам белсенділерінің қатысуымен «Санаңды сақта» далалық куесті өтеді.

25 маусым – теңіз жағалауында ұлттық спорт түрлерінен турнир және тақырыптық суретшілер байқауы өтеді. Сондай-ақ, облыстағы жастар ресурстық орталықтарының мамандары, білім беру ұйымдарының психологтары, жастар ұйымдары мен бастамашыл топ жетекшілерінің қатысуымен оқыту бағдарламасы ұйымдастырылады.

26 маусым – синтетикалық есірткі мен психотроптық заттардың таралу мәселелерін талқылауға бағытталған «Есірткісіз Маңғыстау» жастар жиыны өтеді. Панельдік форматта өтетін жиынға аддиктолог Бекше Жұмағали, «Meow» телехикаясының актері Дамир Амангельдин, психолог-аналитик Мәди Абдукеев және басқа да сарапшылар қатысады.

27 маусым – жастар арасында футбол мен баскетболдан жарыстар және аудан жастары арасындағы кездесулер ұйымдастырылады.

#ЕсірткісізМаңғыстау

• 02.07.2025
• 7