Нұрдәулет Қилыбай қытайлық инвесторлармен кездесті

5 шілде, сенбі күні Маңғыстау облысының әкімі Нұрдәулет Қилыбай Қытайдың Gansu Joy Sturgeon Ecological Technology Co., Ltd. компаниясы өкілдерін қабылдады. Басқосуда екіжақты ынтымақтастық, аймақтағы балық шаруашылығын дамыту және инвестициялық жобаларды жүзеге асыру мәселелері талқыланды.

Кездесуде қытайлық инвесторлар Маңғыстау облысында бекіре тұқымдас балық өсіруді кеңейтуге ниетті екенін жеткізді. Бұған дейін аталған компания Қарағанды облысында қазақстандық серіктестерімен бірлесіп жұмыс істеп келеді. Енді осы тәжірибені Маңғыстау өңірінде жалғастыруды көздеп отыр.

Шетелдік компания өкілдері мемлекет тарапынан көрсетілетін субсидиялар, жер телімдерін бөлу, инфрақұрылымды тарту сынды қолдау түрлеріне қызығушылық білдірді. Жоба жүзеге асқан жағдайда, аймақта жаңа жұмыс орындары ашылып, қазақстандық балық шаруашылығының бренді қалыптасып, өнімнің бір бөлігі экспортқа бағытталмақ.

Облыс әкімі Нұрдәулет Қилыбай өңірдің әлеуметтік-экономикалық дамуына оң әсер ететін жобаларды әрқашан қолдайтынын атап өтті.
 

- Мұндай инвестициялық жобалар Маңғыстау облысы үшін аса маңызды. Жаңа жұмыс орындарын құру, өңір экономикасын әртараптандыру, экспорттық әлеуетті арттыру бағытындағы жобаларға жан-жақты қолдау көрсетуге дайынбыз, - деді Нұрдәулет Қилыбай.

Маңғыстау облысы әкімінің баспасөз қызметі.

• 08.07.2025
• 3