Нұрдәулет Қилыбай Сенат және Мәжіліс депутаттарымен кездесті

Бүгін, 7 шілде күні Маңғыстау облысының әкімі Нұрдәулет Қилыбай өңірге жұмыс сапарымен келген Қазақстан Республикасы Парламенті Сенатының депутаты Сүйіндік Алдашев пен ҚР Парламенті Мәжілісінің депутаттары Еділ Жаңбыршин және Самат Мұсабаевтарды арнайы қабылдады.

Кездесу барысында өңір басшысы Нұрдәулет Қилыбай Мемлекет басшысының өңір тұрғындарының өмір сүру сапасы мен әл-ауқатын арттыру жөніндегі тапсырмаларының орындалу барысы, Маңғыстау облысының әлеуметтік-экономикалық жағдайын одан әрі дамыту туралы айтып берді. Сондай-ақ, жиында
инвестициялық ахуалды жақсарту, туризм, ауылшаруашылығы салаларын одан әрі жетілдіру, шағын және орта бизнесті қолдау бағытындағы жұмыстар да сөз болды.

Халық қалаулылары Маңғыстау облысын дамыту жұмыстарына оң бағасын беріп, елдің әлеуетін көтеру бағытында бірлесе іс атқаруды жалғастыратындарын жеткізді.

Маңғыстау облысы әкімінің баспасөз қызметі.

• 08.07.2025
• 4