Мемлекеттік қаржы: тұрақтылық, өсім және тиімділік

ҚР Премьер-министрі Олжас Бектеновтің төрағалығымен Үкімет отырысы өткізіліп, онда 2025 жылдың бірінші жартыжылдығындағы мемлекеттік бюджеттің атқарылуы қорытындыланды. Бұл ретте мемлекеттік қаржы жүйесінің дұрыс бағытта келе жатқанын көрсететін негізгі нәтижелер мен басымдықтармен бөлісе кетейін.
    •    Мемлекеттік бюджеттің кірісі 11 трлн теңгеге ұлғайды, бұл жоспардан 5% көп.
    •    Республикалық бюджет 100,5% және жергілікті бюджеттер 117% орындалды.
    •    Бұған ЖТС, КТС, әлеуметтік төлемдер түсімдерінің артуы мен цифрландыру, салықтық бақылаудың күшеюі әсер етті — қосымша 492 млрд теңге қамтамасыз етілді.
    •    768 млрд теңгеге ҚҚС қайтарылды – бұл экспорттаушыларға, өндірушілерге және аграршыларға көрсетілген нақты қолдау.
    •    Бюджеттік шығыстар 92% орындалды: 4,3 трлн – әлеуметтік салаға, 3,6 трлн – өңірлерге, 800 млрд – нақты секторға бағытталды.
    •    Арнаулы мемлекеттік қорға қайтарылған активтердің есебінен 434 млрд теңге түсті. Осы қаражатқа 406 маңызды жоба (ауызсу, денсаулық сақтау, білім, спорт) қаржыландырылды.
    •    Қаңтардан бастап «Мемлекеттік сатып алу туралы» Заң күшіне енді. Нәтижесінде келісімшарттар көлемі 2 есе өсті, шағымдар 30% азайды, отандық өнім үлесі 43% жетті. Сатыпалцм процестері жеделдеп, бизнеске қолжетімді бола түсті.

🔹 Сонымен қатар автомобиль өткізу бекеттерін жаңғырту жобасы жалғасып жатыо.
Қазірдің өзінде «Қапланбек», «Атамекен», «Қалжат» және «Алакөл» өткізу бекеттері жаңартылды.
Жыл соңына дейін тағы бес бекет жаңғыртудан өтіп, еліміздің сыртқы шекарасындағы автокөлік өткелдерінің 100% ретке келтіріледі. Бұл өткізу қабілетін арттырып, логистиканы жеңілдетеді.
    •    Бюджет қаражатын тиімді пайдалану қатаң бақылауда: 672 аудит жүргізіліп, 920 млрд теңге қамтылды, 279 млрд теңгеге кемшілік жойылып, 3,4 млрд теңге бюджетке қайтарылды.
    •    Сын-қатерге негізделген тәсіл енгізіліп жатыр: есептілікті бұрмалауға, табысты жасыруға, сметадан асыруға, ақшаны мақсатсыз пайдалануға жол берілмейді.

• 15.07.2025
• 12