Министр Ерсайын Нағаспаев пен Германия Федеративтік Республикасының Төтенше және Өкілетті Елшісінің кездесуі өтті

Өнеркәсіп және құрылыс министрі Ерсайын Нағаспаев пен Германия Федеративтік Республикасының Қазақстан Республикасындағы Төтенше және Өкілетті Елшісі Моника Иверсеннің кездесуі өтті

Келіссөздер барысында тараптар өнеркәсіп және құрылыс салаларындағы екіжақты ынтымақтастықтың қазіргі жағдайы мен перспективаларын талқылады.

Қазақстан мен Германия арасындағы сауда-экономикалық ынтымақтастықтың оң серпіні атап өтілді, бұл жаңа бірлескен бастамаларды, оның ішінде машина жасау және құрылыс материалдарын өндіру сияқты басым салаларда бастауға берік негіз жасайды.

Ағымдағы жылдың қыркүйегіне жоспарланған Сауда-экономикалық ынтымақтастық жөніндегі үкіметаралық жұмыс тобының отырысына дайындыққа ерекше назар аударылды.

Кездесу қорытындысы бойынша тараптар конструктивті диалогты жалғастыруға және екіжақты жұмыс тетіктері мен іскерлік бастамалар аясында өзара іс-қимылды арттыруға дайын екендіктерін білдірді.

• 05.08.2025
• 43