Жаңа Салық кодексін түсіндіру жұмысы қолға алынды

2026 жылдың қаңтарынан бастап Қазақстанда Салық кодексі күшіне енеді. Бұл жай ғана техникалық құжат емес. Реформа салық жүйесін жаңғыртып, бизнес пен азаматтарға жайлы жағдай жасауға бағытталған.

Аталған құжатта әкімшілендіру ісін жеңілдету мен бизнеске артық жүктемені азайту, сондай-ақ салық міндеттемелерін адал орындайтын жандар үшін ынталандыру жолдары қарастырылған.

Алайда заңды қабылдаудан бөлек оны қоғамға дұрыс жеткізудің де маңызы зор. Сондықтан Қаржы министрлігі осы өзгерістердің мән-маңыздылығын түсіндіру үшін еліміздің барлық өңірінде ақпараттық науқанды өткізе бастады.

Бұл кездесулер Абай, Қарағанды, Ұлытау, Павлодар және Шығыс Қазақстан облыстарында болып өтті. Біз кәсіпкерлер және бухгалтерлік қауымдастықтармен кездесулер өткізіп келеміз.

Алдағы апталарда өңірлерге жасалатын іссапарлар жалғасатын болады. Өйткені тек ашық диалог заң нормаларын нақты жұмыс істейтін тетікке айналдыра алады.

• 12.08.2025
• 32