Мемлекеттік сатыпалымның ашықтығы мен бизнесті қолдау – Қаржы министрлігінің басты назарында

Азаматтарды қабылдау процесі «Халық үніне құлақ асатын мемлекет» тұжырымдамасын іске асырудағы маңызды құралдардың бірі. Бұған Қаржы министрлігінде ерекше мән берілген. Бұл формат қоғаммен кері байланыс орнатумен бірге қаржы саясатын әзірлеу мен түзету кезінде адамдардың ұсыныстары мен тілектерін ескеруге мүмкіндік береді. Осы ретте азаматтардың кезекті қабылдауын өткізгенімді айта кеткен орынды.

Оның барысында басты қаузалған мәселе – мемлекеттік сатыпалым жүйесіне қатысты болды. Айталық, азаматтар өз пікірлерін жеткізіп, сатып алу процесінің әртүрлі аспектілері бойынша ұсыныстарын жеткізді.

Мемлекеттік сатыпалымның барлық кезеңінде барынша ашықтықты қамтамасыз етудің маңыздылығын ерекше атап өткім келеді. 2024 жылы енгізілген «Мемлекеттік сатып алу туралы» Заң сыбайлас жемқорлық пен теріс пайдаланудың алдын алуға бағытталып, қосымша бақылау мен есеп беру шараларын жолға қойды.

Жаңа заң қызмет ұсынушылардың жауапкершілігін күшейтеді және жүйенің ашықтығын арттырады. Enbek.kz порталы арқылы автоматты тексерудің көмегімен  қатысушылардың біліктілігін растайтын барлық құжаттың электронды депозитке салынған мұрағаты енгізілді. Жалған деректер берген қызмет көрсетушілер енді жосықсыз қатысушылардың тізіліміне 2 жылға дейін енгізіледі. Қатысудың қаржылық критерийлері күшейтілді: кейінгі үш жылдағы табыс сатып алу сомасының кем дегенде 50%, ал төленген салықтар табыстың кемінде 3% құрауы тиіс. Бұл шаралар процедураларды қатаң бақылап, ашықтықты қамтамасыз етеді.

Мемлекеттік сатыпалым жүйесін жетілдіру Қаржы министрлігінің қызметіндегі бағыттардың бірі болып қала береді.

• 27.08.2025
• 35